ඇමරිකා එක්සත් ජනපද-ඊශ්රායල් ප්රහාරවලින් සිසුන් සහ ගුරුවරුන් 250ක් මිය ගොස් ඇති බව ඉරානය පවසනවා.
ඉරාන අධ්යාපන අමාත්යාංශයේ මහජන සම්බන්ධතා මධ්යස්ථානයේ ප්රධානියාට අනුව, ඉරානයට එල්ල කරන ලද ඇමරිකා එක්සත් ජනපද සහ ඊශ්රායල ප්රහාරවලින් අධ්යාපනික හා සංස්කෘතික පහසුකම් 723 කට ද හානි සිදුවී ඇති බවයි වාර්තා වන්නේ.
මේ අතර පෙබරවාරි 28 යුද්ධය ආරම්භ වූ දා සිට, ඉරානයේ මුළු මරණ සංඛ්යාව අවම වශයෙන් 1,937ක් බව ඉරානයේ නියෝජ්ය සෞඛ්ය අමාත්ය අලි ජෆාරියන් පවසනවා.
එමෙන්ම සයිබර් ආරක්ෂණ මුරකරුවෙකු වන NetBlocks පවසන්නේ, ඉරානයේ අන්තර්ජාල අවහිර වී මේ වනවිට දින 28ක් ගතව ඇති බවයි.
මේ අතර ඉරානය පවසන්නේ ඇමරිකානු හමුදා සත්කාරකත්වය දරන මැදපෙරදිග හෝටල් ඉදිරියේ දී තම ඉලක්ක වනු ඇති බවයි.
ඇමරිකානු සහ ඊශ්රායලය සමඟ යුද්ධයේදී කලාපය පුරා ඇමරිකානු සොල්දාදුවන් නවාතැන් ගෙන සිටින හෝටල් ඉලක්ක වනු ඇති බවට ඉරාන හමුදාව මෙලෙස අනතුරු අඟවා තිබෙනවා.
මේ අතර ඉරාන විදේශ අමාත්ය අබ්බාස් අරග්චි ගල්ෆ් සහයෝගිතා කවුන්සිලයේ (GCC) රටවල ජනතාව “මිනිස් පලිහක්” ලෙස භාවිතා කරන බවට ඇමරිකානු සොල්දාදුවන්ට චෝදනා කරනවා.
මෙම යුද්ධයේ ආරම්භයේ සිටම, ඇමරිකානු සොල්දාදුවන් හමුදා කඳවුරුවලින් පලාගොස් හෝටල් සහ කාර්යාලවල සැඟවී සිටිය බවයි අමාත්යවරයා පවසන්නේ.
.
