2025 වසරේ ගතවූ කාලය තුළ රුපියල් බිලියන 2,497ක වාර්තාගත ආදායමක් උපයා ඇති බව ශ්රී ලංකා රේගුව පවසනවා.
රේගු මාධ්ය ප්රකාශක චන්දන පුංචිහේවා සඳහන් කළේ රජය විසින් 2025 වර්ෂය සඳහා ශ්රී ලංකා රේගුවට රුපියල් බිලියන 2115ක ඉලක්ක ගත ආදායම ලබාදී තිබූ බවයි.
අදාළ අදායම් ඉලක්කට පසුගිය නොවැම්බර් මාසයවන විට ඉක්මවා යාමට ශ්රී ලංකා රේගුවට හැකි වූ බව සඳහන් කළ මාධ්ය ප්රකාශකවරයා, අදාළ අදායම් ඉලක්කය රුපියල් බිලියන 2,231ක් ලෙස පසුව සංශෝධනය කළ බවයි පැවසුවේ.
කෙසේ වෙතත් පසුගිය 26 වනදා වනවිය රුපියල් බිලියන 2,497ක වාර්තාගත ආදායම උපාය ගැනීමට හැකි වූ බවයි ඔහු මාධ්ය හමුවක් පවත්වමින් සඳහන් කළේ.
ඒ අනුව රජය විසින් ශ්රී ලංකා රේගුවට ලබාදී තිබූ සංශෝධිත ඉලක්කය ද ඉක්මවා යාමට මෙම වසරේ දී හැකි වූ බවයි ඔහු වැඩිදුරටත් පැවසුවේ.
කෙසේ වෙතත් මෙම වසරේ අද (29) දිනය ද ඇතුළුව වැඩකරන දින තුනක් ඉතිරිව ඇති බව සඳහන් කළ ඔහු එම දින තුන සම්පූර්ණ වන විට රුපියල් බිලියන 2525කට ආසන්න සමස්ත ආදායමක් රේගුවට උපයා ගැනීමට හැකිවනු ඇති බවයි පුරෝකථනය කළේ.
ශ්රී ලංකා රේගු ඉතිහාසයේ රැස්කළ වැඩිම බදු අදායම් ප්රමාණයක් රැස්කළ වසර 2025 වසර බවයි රේගු මාධ්ය ප්රකාශක චන්දන පුංචිහේවා පැවසුවේ.
