කටුනායක ගුවන් තොටුපොළ අවට ප්රදේශයේ අද (19) දින අලුයම පැවති ඝන මීදුම් තත්වය නිසා ගුවන් තොටුපොළ වෙත ගොඩබැස්සවීමට පැමිණි ගුවන් යානා තුනක් මත්තල ගුවන් තොටුපොළ වෙත හරවා යැවීමට කටුනායක ගුවන් තොටුපොළ බලධාරීන් පියවර ගෙන තිබුණා.
මේ අතරින් අද (19) අලුයම 05.05 ට චීනයේ ග්වැන්ෂෝ නුවර සිට කටුනායක ගුවන් තොටුපොළ වෙත ගොඩබැස්සවීමට පැමිණි ශ්රී ලන්කන් ගුවන් සේවයේ යූ.එල්.- 881 දරණ ගුවන් යානය මත්තල ගුවන් තොටුපොළ වෙත යොමු කිරීමට පියවර ගෙන ඇති බවයි වාර්තා වුණේ.
එමෙන්ම අලුයම 05.30ට ඉන්දියාවේ මුම්බායි නුවර සිට කටුනායක ගුවන් තොටුපොළ වෙත ගොඩබැස්සවීමට පැමිණි ශ්රී ලන්කන් ගුවන් සේවයේ යූ.එල්.- 142 දරණ ගුවන් යානය ද මත්තල ගුවන් තොටුපොළ වෙත හරවා යැවීමට පියවර ගෙන තිබුණා.
මිට අමතරව සෞදි අරාබියේ රියාද් නුවර සිට අද දින උදෑසන 06.15 ට කටුනායක ගුවන් තොටුපොළ වෙත ගොඩබැස්සවීමට පැමිණි ශ්රී ලන්කන් ගුවන් සේවයේ යූ.එල්. – 266 දරන ගුවන් යානය ද මත්තල ගුවන් තොටුපොළ වෙත හරවා යැවීමට කටුනායක ගුවන් තොටුපොළ බලධාරීන් පියවර ගෙන ඇති බවයි වාර්තා වුණේ.
පසුව ඉන්දියාවේ මුම්බායි නුවර සිට පැමිණි ශ්රී ලන්කන් ගුවන් යානය උදෑසන 08.40ටත් , චීනයේ ග්වැන්ෂෝ නුවර සිට පැමිණි ශ්රී ලන්කන් ගුවන් යානය උදෑසන 09.40ටත් , සෞදි අරාබියේ රියාද් නුවර සිට පැමිණි ශ්රී ලන්කන් ගුවන් යානය උදෑසන 09.51ටත් කටුනායක ගුවන් තොටුපොළ වෙත පැමිණ තිබූ බවයි ‘දසත නිවුස්’ ගුවන්තොටුපොළ වාර්තාකරු සඳහන් කළේ.
