ශ්රේෂ්ඨාධිකරණයේ ජ්යෙෂ්ඨතම විනිසුරු ප්රීති පද්මන් සූරසේන අද (27) පෙරවරුවේ ජනාධිපති කාර්යාලයේදී මෙරට නව අගවිනිසුරුවරයා ලෙස ජනාධිපති අනුර කුමාර දිසානායක ඉදිරියේ දිවුරුම් දී තිබෙනවා.
ඒ, අනුව ප්රීති පද්මන් සූරසේන මෙරට 49 වන අගවිනිසුරුවරයා වනවා.
අගවිනිසුරු මුර්දු නිරූපා බිඳුෂිණි ප්රනාන්දුගේ විශ්රාම යාමෙන් පසු පුරප්පාඩු වූ ධුරය සඳහා ප්රීති පද්මන් සූරසේනගේ නම ව්යවස්ථා සභාව විසින් පසුගියදා අනුමත කරනු ලැබුවා.
1989 වසරේ නීතිඥවරයකු වශයෙන් දිවුරුම් දුන් ප්රීති පද්මන් සූරසේන, ඉන් අනතුරුව නීතිපති දෙපාර්තමේන්තුවට එක්ව රජයේ නීතිඥවරයකු ලෙස සේවය කළ අතර, 2007 වසරේදී මහාධිකරණ විනිසුරුවරයකු ලෙස පත් වුණා.
2016 වසරේදී අභියාචනාධිකරණ විනිසුරු ධුරයට පත් වූ ඔහු 2018 වසරේ අභියාචනාධිකරණයේ සභාපති විනිසුරුවරයා වශයෙන් පත් වූ අතර, ශ්රේෂ්ඨාධිකරණ විනිසුරුවරයකු වශයෙන් පත් වුණේ 2019 වසරේදීයි.
එතැන් සිට මේ දක්වා ශ්රේෂ්ඨාධිකරණ විනිසුරුවරයකු වශයෙන් කටයුතු කරන ප්රීති පද්මන් සූරසේන, හිටපු අගවිනිසුරු මුර්දු නිරූපා බිඳුෂිණි ප්රනාන්දුගෙන් පසුව සිටින ජ්යෙෂ්ඨතම ශ්රේෂ්ඨාධිකරණ විනිසුරුවරයා වනවා.
