එදත් අදත් හෙටත් මේ රටේ ඒකීයභාවය වෙනුවෙන් මේ රටේ අනාගතය වෙනුවෙන් අපි පෙනී සිටිනවායැයි සීතා අරඹේපොල රාජ්ය අමාත්යවරිය පාර්ලිමේන්තුවේ දී විපක්ෂය අමතා සහතිකයක් දී තිබේ
විපක්ෂයේ මන්ත්රී කබීර් හෂීම් මන්ත්රීවරයා වෙත ඇඟිල්ල දික් කරමින් ආවේගයෙන් අදහස් ප්රකාශ කරමින් රාජ්ය අමාත්යවරිය වැඩිදුරටත් සඳහන් කළේ අද දවසේ කියන්නෙත් ඒ ටිකමයි , ඔබතුමා ඩොලර්වලට ඔය කතා කරන එක නවත්තලා මේ රටේ දියුණුවට තමුන්ගේ සහයෝගෙ දෙන්නෙ යයිද සඳහන් කරන ලදී.
රාජ්ය අමාත්යවරිය මෙසේ ආවේගයෙන් අදහස් ප්රකාශ කළේ වරාය නගර පනත් කෙටුම්පත පිළිබඳ පැවැති විවාදයේදී කබීර් හෂීම් මන්ත්රීවරයා රාජ්ය අමාත්යවරිය 2019 ඔක්තෝබර් මස 6 වැනි දින මාතර පැවති ජනාධිපතිවරණ රැස්වීමකදී කියපු කවියක් ඇයට යළිත් මතක් කර දීමත් සමගය.
එම රැස්වීමේදී ජාතිය ගැන , රට ගැන , දේශප්රේමය ගැන මතක් කරමින් එවකට ජනපති අපේක්ෂක ගෝඨාභය රාජපක්ෂ මහතා රට ගෙන යා යුතු මඟ ගැන කතා කිරීමෙන් පසු රාජ්ය ඇමතිවරිය කියූ කවිය මන්ත්රීවරයා සභාවට ඉදිරිපත් කරමින් සඳහන් කරන ලද්දේ එම කවිය ඔබතුමියටත් , පොහොට්ටුවේ ඉන්න හැමෝටමත් අදාල බවය.
එම කවිය මෙසේය.
පිටකොඳු සිදින මිනිසෙකු ලෙස ඉන්න එපා
සටනක් අග සිතන එය මග හරින්න එපා
පරගැති බසට රට උගසට දෙන්න එපා
දේශය පනයි පණ නසලන්න ඉඩ දෙන්න එපා
එදා මෙම කවිය එවකට ජනපති අපේක්ෂක ගෝඨාභය රාජපක්ෂ මහතා අමතා රාජ්ය අමාත්යවරිය කිවූ බව මන්ත්රීවරයා සදහන් කර අතර ඒ සමගම ආවේගයට පත් රාජ්ය අමාත්යවරිය තමාට දෙන්න පුළුවන් උපරිම ගෞරවය තමයි ඒ කවිය හරහා දුන්නේ යයිද ප්රකාශ කරන ලදී
