මැදපෙරදිග කලාපයේ මේ වන විට (ජුනි 25) උද්ගතව ඇති උණුසුම් යුදමය වාතාවරණය හේතුවෙන් ඉදිරියේදී ශ්රී ලංකාවට මුහුණ දීමට සිදු විය හැකි අභියෝග සම්බන්ධයෙන් පූර්ව සූදානමක් පැවතීමේ අවශ්යතාව පිළිබඳව අමාත්ය මණ්ඩලය විසින් සිය අවධානය යොමු කර තිබෙනවා.
ඒ අනුව, මැදපෙරදිග යුදමය තත්ත්වය පිළිබඳව සමීපව අධ්යයනය කරමින්, බලපෑමට ලක් විය හැකි සියලු ක්ෂේත්ර, බලපෑමේ ප්රමාණයන් සහ ඒ සම්බන්ධයෙන් ගත යුතු කඩිනම් ක්රියාමාර්ග පිළිබඳව සමාලෝචනයන් සිදු කර, අමාත්ය මණ්ඩලය වෙත අවස්ථානුකූලව යෝග්ය නිර්දේශ ඉදිරිපත් කිරීම පිණිස පහත සංයුතියෙන් යුත් අමාත්ය මණ්ඩල අනුකමිටුවක් පත් කිරීමටත්, එම අනුකමිටුවට සහාය වීම පිණිස අදාළ අමාත්යාංශ ලේකම්වරුන්ගෙන් සමන්විත කමිටුවක් පත් කිරීමටත් අමාත්ය මණ්ඩලය විසින් තීරණය කරනු ලැබූ බවයි රජය පවසන්නේ.
එම කමිටුවේ සභාපති ධුරය විදේශ කටයුතු අමාත්ය විජිත හේරත්ට හිමි ව තිබෙනවා.
ඊට අමතර ව කමිටුවේ සෙසු සාමාජිකයින් වන්නේ, සමන්ත විද්යාරත්න (වැවිලි සහ ප්රජා යටිතල පහසුකම් අමාත්ය), වසන්ත සමරසිංහ (වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය) හා බලශක්ති අමාත්ය ලෙස කටයුතු කරන කුමාර ජයකොඩි යන අයයි.
