බස්නාහිර, සබරගමුව, මධ්යම සහ වයඹ පළාත්වලත් ගාල්ල සහ මාතර දිස්ත්රික්කවලත් අද (31) දිනයේ විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව දැනුම්දෙනවා.
එමෙන්ම බස්නාහිර සහ සබරගමුව පළාත්වලත් නුවරඑළිය, මහනුවර, ගාල්ල සහ මාතර දිස්ත්රික්කවලත් ඇතැම් ස්ථානවල මිලි මීටර් 75ට වැඩි තරමක තද වැසි ඇතිවිය හැලි බවයි එම දෙපාර්තමේන්තුව සඳහන් කළේ.
උතුරු මැද පළාතේත් මන්නාරම සහ හම්බන්තොට දිස්ත්රික්කවලත් වැසි වාර කිහිපයක් ඇතිවිය හැකි බවත් එම දෙපාර්තමේන්තුව සඳහන් කරනවා.
මේ අතර මධ්යම කඳුකරයේ බටහිර බැවුම් ප්රදේශවලත් උතුරු, උතුරු මැද සහ වයඹ පළාත්වලත් හම්බන්තොට, සහ ත්රිකුණාමලය දිස්ත්රික්කවලත් විටින් විට පැයට කිලෝ මීටර් 50ක පමණ තද සුළං ඇතිවීමේ හැකියාවක් පවතිනවා.
දිවයිනේ සෙසු ප්රදේශවලද විටින් විට පැයට කිලෝ මීටර් 30-40ක පමණ තරමක තද සුළං ඇතිවිය හැකියි.
ගිගුරුම් සහිත වැසි සමඟ ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කරගැනීමට අවශ්ය පියවර ගන්නා ලෙසද එම දෙපාර්තමේන්තුව ජනතාවට දැනුම් දෙනවා.
මේ අතර ගාල්ල, කෑගල්ල සහ මහනුවර දිස්ත්රික්කවලට පළමු මට්ටමේ නායයෑම් පූර්ව අනතුරු ඇඟවීම තවදුරටත් දීර්ඝ කර තිබෙනවා.
ඊට අමතරව රත්නපුර සහ නුවරඑළිය දිස්ත්රික්කවලට ද නායයෑම් පූර්ව අනතුරු ඇඟවීම් නිවේදන නිකුත් කළ බවයි ජාතික ගොඩනැගිලි සහ පර්යේෂණ මධ්යස්ථානය පැවසුවේ.
