සිය බිරිඳ ඝාතනය කර එම ඝාතනය වසන් කිරීමට උත්සාහ කළ සැමියෙක් අත්අඩංගුවට ගත් පුවතක් ඉන්දීය මාධ්ය අද වාර්තා කරනවා.
පසුගිය 19 වන දින උදෑසන, ජුන්සි පොලිස් බල ප්රදේශයට අයත් අසාද් නගර් ජනපදයේ පිහිටි නවාතැන්පලක නාන කාමරයක තිබී ඝාතනයට ලක්වූ කාන්තාවකගේ මළ සිරුරක් සොයාගැනීමත් සමඟ විමර්ශන සිදුකළ පොලිසිය සැකකාර සැමියා අත්අඩංගුවට ගෙන ඇති බවයි වාර්තා වන්නේ.
ඝාතනය ලක්වූ කාන්තාව සහ ඇයගේ සැමියා මහා කුම්භමේලා උත්සවය සඳහා පසුගිය 17 වනදා දිල්ලියේ ත්රිලෝක්පූරි හි පිහිටි නිවසින් පිටතව ගොස් ඇති බවයි අනාවරණය වී ඇත්තේ.
අනතුරුව මෙම යුවළ ඊට පසුදින ජුන්සි වෙත ළඟා වී තිබෙනවා.
අනතුරුව සාද් නගර් ජනපදයේ පිහිටි නවාතැන්පලක කාමරයක් වෙන්කරවාගෙන මොවූ දෙදෙනා එහි රැඳී සිට ඇති බවයි හෙළිව ඇත්තේ.
රාත්රිය උදාවන විට දෙදෙනා අතර බහින්බස්වීමක් සිදුව ඇති අතර, මීනාක්ෂි වන බිරිඳ නාන කාමරයට ගිය අවස්ථාවේ
අශෝක් නැමැති ඇයගේ සැමියා ඇයට පිටුපසින් පහර දී පිහියකින් ඇගේ ගෙළ කපා ඝාතනය කර ඇති බවයි විමර්ශන සිදුකරන පොලිසිය පවසන්නේ.
ඝාතනය සිදුකිරීමෙන් අනතුරුව සැමියා ලේ තැවරුණු ඇඳුම් මාරු කර ආයුධය ඒවායේ ඔතා සාක්ෂි සැඟවීමට කටයුතු කර තිබෙනවා.
පසුව සැකකාර සැමියා ඔහුගේ පුත්රයා අමතා පවසා ඇත්තේ ජනාකීර්ණ කුම්භමේලා උත්සවය මැද මව අතුරුදහන් වූ බවත් ඇය සොයා ගැනීමට උත්සාහකරන බවයි.
තම පියාගේ පැහැදිලි කිරීම ගැන සැක කළ පුත්රයා පෙබරවාරි 20 වන දින, පවුලේ අය තම මවගේ ඡායාරූපයක් ද රැගෙන මහකුම්භයට පැමිණ පොලිසියට පැමිණිල්ලක් ද සිදුකර ඇය සෙවීමට ආරම්භකර තිබෙනවා.
පැමිණිල්ලට අනුව විමර්ශන ඇරඹු පොලිසිය සාක්ෂි රැස් කිරීම දිගටම කරගෙන ගොස් තිබෙනවා.
එම විමර්ශන අතර තුර නවාතැන්පොළේ කාන්තා මළ සිරුරක් ඇති බවට ආරංචිය පොලිසියට ලැබී අතර, ඒ පිළිබඳව කළ සොයා බැලීමේ දී එම මළ සිරුර මීනාක්ෂිගේ බවටයි හඳුනාගෙන ඇත්තේ.
අනතුරුව නවාතැන්පොළේ සේවකයින්ගේ ලැබුණු තොරතුරු මත සැකකාර සැමියා අත්අඩංගුවට ගෙන ඇති අතර, එහිදී ඔහු පාපොච්ච්රණය කර ඇත්තේ තම බිරිඳ ඝාතනය කිරීමට කලක සිට සැලස්මක් තම හිතේ තිබුණු බවයි.
තමන් සම්බන්ධතාවක් පවත්වන වෙනත් කාන්තාවක් විවාහකර ගැනීමේ අරමුණින්; කලක සිට මෙම ඝාතනය සැලසුම්කර බිරිඳව මෙලෙස නිවසින් දුර බැහැර ප්රදේශයකට කැඳවාගෙන විත් ඝාතනය කළ බව ඔහු පාපොච්ච්රණය කර තිබෙනවා.
