සුදත්ත තිලකසිරිට පොලිස් ආරක්ෂාව

යූ ටියුබ් මාධ්‍යවේදී සුදත්ත තිලකසිරි මහතා හට පොලිස් ආරක්ෂාව ලබා දී තිබෙනවා.

ඒ ඔහු විසින් තමන් හට ජීවිත තර්ජන ඇති බවට වන පැමිණිල්ලක් පොලිසිය වෙත සිදු කරනු ලැබීමෙන් පසුවයි.

ඒ අනුව සුදත්ත තිලකසිරි මහතා හට එක් පොලිස් නිලධාරියෙකුගේ ආරක්ෂාව සපයා ඇති බව පොලිස් මාධ්‍ය ප්‍රකාශකවරයා තහවුරු කළා.

මේ අතර හිටපු පාර්ලිමේන්තු මන්ත්‍රී මනූෂ නානායක්කාර මහතා විසින් ද සුදත්ත තිලකසිරි මහතා හට පෙත්සමක් ගොනු කරනු ලැබුවා.

ඒ ඔහු අධිකරණයට අපහසා කළ බවට චෝදනා කරමින්.

එම පෙත්සම සලකා බැලීම සඳහා ද ඊයේ (28) දිනයේ දී අභියාචනාධිකරණයෙන් දින නියම කළා.

ඒ අනුව එම පෙත්සම පෙබරවාරි මස 07 වැනි දා කැඳවීමට නියමිතයි.