මැදවච්චිය පොලිස් වසමේ කටුවෙල සුසාන භූමිය අසල බොරළු වළක් තුළ කාන්තා මළසිරුරක් ඇති බවට පොලිසියට ලද තොරතුරක් මත විමර්ශනයක් ආරම්භ කර තිබෙනවා.
පොලිස් මාධ්‍ය ප්‍රකාශක කාර්‍යාලය පැවසුවේ මරණකාරිය වයස අවුරුදු 30ත් 40ත් අතර පසුවන අනන්‍යතාව මෙතෙක් තහවුරු වී නොමැති කාන්තාවක් බවයි.
මෙම කාන්තාව මරණයට පත් වන විට ගවුමක් සහ ලෙගින් වර්ගයේ කලිසමක් හැඳ සිටි බවත් මෘත ශරීරයේ තුවාල නිරීක්ෂණය වන බැවින් එය මනුෂ්‍ය ඝාතනයක් බවට පොලිසිය සැක පළ කරනවා.
මෘත ශරීරය මහේස්ත්‍රාත් පරීක්ෂණයෙන් පසුව පශ්චාත් මරණ පරීක්ෂණය සඳහා අනුරාධපුර රෝහලේ මෘත ශරීරාගාරයේ තැන්පත් කර තිබෙනවා.
සැකකරුවන් අත්අඩංගුවට ගැනීමට මැදවච්චිය පොලිසිය විමර්ශන සිදු කරනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
