මදුරාවල ප්රදේශයේ ඊයේ (25) පස්වරු 5.40ට පමණ සිදු වූ රිය අනතුරකින් තරුණයෙකු බරපතළ තුවාල ලබා රෝහල්ගත කිරීමෙන් අනතුරුව ජීවිතක්ෂයට පත් ව තිබෙනවා.
යතුරුපැදියක ගමන් කරමින් සිටි තරුණයෙකු යට කරමින් ඊට මාර්ගයේ ප්රතිවිරුද්ධ දෙසට ගමන් කළ බස් රථයක් පාරෙන් ඉවතට පැන අසල තිබූ නිවසක ආරක්ෂක තාප්පය ද කඩාගෙන ගොස් ඇති බවයි අඟුරුවාතොට පොලිසිය පැවසුවේ.
මෙසේ මරණයට පත්ව ඇත්තේ අක්කර 13, කනන්විල, අඟුරුවාතොට පදිංචි ව සිටි 24 හැවිරිදි සනුත් නදීක ගෝමස් නමැති ඇඟලුම් ක්ෂේත්රයේ නිරත තරුණයෙක්.
අනතුරට පත් තරුණයා හොරණ දිස්ත්රික් රෝහල වෙත ඇතුළත් කිරීමෙන් පසු මරණයට පත් ව ඇති බවයි පැවසෙන්නේ.
නෑබඩ, රන්නගල ප්රදේශයට දිය නෑමට පැමිණි පිරිසක් විනෝද වී මත්පැන් පානය කර නැවත හෝමාගම ප්රදේශයේ නිවෙස් බලා ගමන් කරමින් තිබූ බස් රථයක් අධික වේගයෙන් ගමන් කරමින් තිබිය දී මෙම අනතුර සිදු ව තිබෙනවා.
අනතුරට හේතුව බස් රථ රියදුරු බීමත් ව සිටීම සහ අධික වේගය බවයි හෙළි ව ඇත්තේ.
සිද්ධිය සම්බන්ධයෙන් වැඩිදුර විමර්ශන ක්රියාත්මකයි.
