සමගි ජන බලවේගය පක්ෂයේ ජාතික ලැයිස්තු මන්ත්රී ධුර 05 සඳහා යැවූ හිටපු මන්ත්රීවරුන් සිව්දෙනෙකුගේ නාමයන් ගැන දේශපාලන අභ්යන්තර ආරංචි මාර්ග පවසනවා.
ඒ අනුව මනෝ ගනේෂන්, නිසාම් කාරියප්පර්, සුජීව සේනසිංහ සහ මොහොමඩ් ඉස්මයිල් මුතු මොහොමඩ් යන අයගේ නම් මැතිවරණ කොමිෂන් සභාවට යොමු කළ නම් අතර වන බවයි පැවසෙන්නේ.
කෙසේවෙතත් සමගි ජන බලවේගය පක්ෂයට හිමි වූ මන්ත්රී ආසන 05න් පළමු එක එම පක්ෂයේ මහලේකම් රංජිත් මද්දුම බණ්ඩාරට හිමිවුණා.
මේ අතර ශ්රී ලංකා මුස්ලිම් කොංග්රසයේ මහලේකම් නිසාම් කාරියප්පර් මහතාගේ නම ඇතුළත් කිරීමකින් තොරව සමගි ජන බලවේගය ජාතික ලැයිස්තු මන්ත්රී ධුර පුරප්පාඩු පිරවීම සඳහා නම් යැවීම වළක්වාලමින් කොළඹ දිසා අධිකරණය වාරණ නියෝගයක් නිකුත් කර තිබෙනවා.
අද (12) පෙරවරුවේ ශ්රී ලංකා මුස්ලිම් කොංග්රසයේ නායක රවුෆ් හකීම් මහතා විසින් ඉදිරිපත් කරන ලද පැමිණිල්ලක් සලකා බැලීමෙන් අනතුරුව දිසා අධිකරණය මෙම නියෝගය නිකුත් කරනු ලැබුවා.
