රාජ්‍ය මැදිහත් වීමකින් සහ අධිකරණ නියෝගයක් ප්‍රකාරව මෙරට පළමු වරට නිධානයක් ගොඩනැගීමට කටයුතු කරමින් තිබෙනවා.
දසත ප්‍රාදේශීය වාර්තාකරු පැවසුවේ; මෙතෙක් කල් ඇතැමුන් හොර රහසේ නිධන් ගොඩගැනීම සිදු කළ බවයි.
නමුත් කිහිපවරක් සොරසතුරන් විසින් වේයන්ගොඩ – වඳුරව ප්‍රදේශයේ අධිවේගී මාර්ගයට අයත් ස්ථානයක ඇති ජනප්‍රවාදයේ සඳහන් නිධානයක් ගැනීමට බොහෝ උත්සාහයන් දැරුවත් ව්‍යාර්ථ වුණා.
එම නිධානය ගොඩගැනීමට උත්සාහ කළ ඇතැම් සැකකරුවන් මේ වනවිට සිටින්නේ රක්ෂිත බන්ධනාගාරගතවයි.
ඒ වේයන්ගොඩ පොලිසිය මැදිහත් වී එම සැකකරුවන් අත්තනගල්ල අධිකරණයට ඉදිරිපත් කිරීමේ ප්‍රතිඵලයක් ලෙසයි.
මෙවන් පසුබිමකදී අත්තනගල්ල මහේස්ත්‍රාත්වරයාගේ නියෝග පරිදි එම ස්ථානයේ නිධානයක් තිබේ දැයි සොයා බලන ලෙසට පොලිස් විශේෂ කාර්‍යය බලකායට උපදෙස් දී තිබෙනවා.
එම පරීක්ෂා කිරීම්වලට අදාළව ස්කෑන් පරීක්ෂණවල ප්‍රතිඵල මත එහි යම් කිසි දෙයක් සඟවා ඇති බවටයි නිරීක්ෂණය වී ඇත්තේ.
ඒ අනුව අධිකරණය විසින් මහජනතාව ඉදිරියේ මේ මස 21 වන දින එම ස්ථානය හෑරීමට වේයන්ගොඩ පොලිසියට නියෝගය ලබා දී තිබෙනවා.
ඒ අනුව ඊයේ (21) දිනේ කැණීම් ආරම්භ කළත් කිසිවක් හමු වූ නොවූ අතර අද (22) දින යළි කැණීම් සිදු කරනු ලබනවා.
පුරාවිද්‍යා දෙපාර්තමේන්තුව භූ විද්‍යා හා කැණීම් කාර්යාංශය ඇතුළු රාජ්‍ය නිලධාරීන්ගේ අධීක්ෂණය ද මේ සඳහා ලැබී ඇති බවයි වාර්තා වන්නේ.
Good