ජපාන සමුද්‍රීය ස්වයං ආරක්‍ෂක බලකායට අයත් ‘SAMIDARE’ නෞකාව නිල සංචාරයක් සඳහා අද (17) කොළඹ වරායට සේන්දු වුණා.
එහිදී ශ්‍රී ලංකා නාවික හමුදාව විසින් එම නෞකාව නාවික හමුදා සම්ප්‍රදායානුකුලව පිළිගනු ලැබුවා.
කොළඹ වරායට පැමිණි ‘SAMIDARE’ නෞකාව, මීටර් 151ක දිගින් යුක්ත වන අතර, නැව් මුළුව 199 කගෙන් සමත්විතයි.
නෞකාවේ අණදෙන නිලධාරී ලෙස කොමාණ්ඩර් Naoki KOGA කටයුතු කරනු ලබනවා.
නෞකාව දිවයිනේ රැඳී සිටින කාලසීමාව තුළ එහි නැව් මුළුව දිවයිනේ වැදගත් ස්ථාන නැරඹීම සඳහා ප්‍රදේශ කිහිපයක සංචාරය කිරීමට නියමිත බවයි වාර්තා වුණේ.
නෞකාව නිල සංචාරය අවසන් කරමින් ලබන 19 වන දින දිවයිනෙන් පිටත්ව යාමට නියමිතව ඇති අතර, එහිදී ශ්‍රී ලංකා නාවික හමුදා නෞකාවක් සමඟ බටහිර නාවික විධානයට අයත් මුහුදු තීරයේ දී නාවික අභ්‍යාසයක නිරත වීමට ද නියමිතයි.
