මෙවර ශ්රී ලංකා පොදුජන පෙරමුණෙන් ජාතික ලැයිස්තුව යටතේ පාර්ලිමේන්තුවට පිවිසෙන මන්ත්රීවරුන් කවුරුන් දැයි ප්රකාශයට පත් කර තිබෙනවා.
පක්ෂ මහලේකම් නීතිඥ සාගර කාරියවසම් මහතාගේ අනුමැතිය මත එම පක්ෂයේ ජාතික සංවිධායක නාමල් රාජපක්ෂ මහතා ව ජාතික ලැයිස්තුවෙන් පාර්ලිමේන්තුවට එවීමටයි තීරණය කර ඇත්තේ.
සමගි ජන බලවේගයට ආසන 05ක් හිමි ව ඇති අතර එහි ජාතික ලැයිස්තුවෙන් පැමිණෙන්නේ පක්ෂ මහලේකම් රංජිත් මද්දුම බණ්ඩාරයි.
ගෑස් සිලින්ඩරය යටතේ නව ප්රජාතන්ත්රවාදී පෙරමුණ නියෝජනය කරමින් රවී කරුණානායක සහ දිනේෂ් ගුණවර්ධන නම් කර තිබෙන බව ද වාර්තා වනවා.
මෙම පක්ෂයට මන්ත්රී ආසන 03ක් පමණක් හිමි වූ අතර දෙදෙනකු ජාතික ලැයිස්තුවෙන් එක්වීමත් සමග ආසන 05ක් ඔවුන්ට හිමිවනු ඇති.
දේශපාලනික ආරංචි මාර්ග සඳහන් කරන්නේ එම පංච මන්ත්රීවරුන්ගේ නායකත්වය හිටපු අග්රාමාත්ය දිනේෂ් ගුණවර්ධන මහතා විසින් හොබවන බවයි.
කෙසේවෙතත් මෙම නව ප්රජාතන්ත්රවාදී පෙරමුණ ලියාපදිංචි කර ඇත්තේ හිටපු මන්ත්රී රවී කරුණානායක විසින් වන අතර ඉදිරියේ දී ජාතික ලැයිස්තුවෙන් හිටපු ජනාධිපති රනිල් වික්රමසිංහ මහතාගේ පැමිණීම සම්බන්ධයෙන් සාකච්ඡා කෙරෙනු ඇති බව ද වාර්තා වනවා.
එමෙන්ම සර්වජන බලයට හිමි වූ එක් මන්ත්රී අසුනට ජාතික ලැයිස්තුවෙන් මව්බිම ජනතා පක්ෂයේ නායක දිලිත් ජයවීර මහතා නම්කිරීමට අනුමැතිය හිමිව තිබෙනවා.
මෙවර මහ මැතිවරණයේ දී ජාතික ජන බලවේගයට ජාතික ලැයිස්තුවෙන් මන්ත්රී අසුන් 18ක්, සමගි ජන බලවේගයට 05ක්, නව ප්රජාතන්ත්රවාදී පෙරමුණට 02ක්, ඉලංගෙයි තමිල් අරසු කච්චි පක්ෂය, ශ්රී ලංකා මුස්ලිම් කොංග්රසය සහ සර්වජන බලයට එක් මන්ත්රී අසුනක් බැගින් ද හිමිවුණා.
මේ අතර මෙවර පාර්ලිමේන්තු මහ මැතිවරණයට ලක්ෂ 53ක ජනතාවක් ඡන්දය භාවිත කර නොමැති බවට තොරතුරු වාර්තා වනවා.
5,325,108 දෙනෙකු ඡන්දය භාවිත කිරීමට නොපැමිණ ඇති බවයි මැතිවරණ කොමිෂන් සභාව නිවේදනය කළේ.
පාර්ලිමේන්තු පිරිසිදු කරා තවත් විෂ බීජ ටිකක් ඉතුරු වෙලා මුං ටිකත් පැරදුනා නම් හොඳයි