ශ්‍රී ලංකා විදේශ කටයුතු අමාත්‍යාංශය මෙරට පිහිටි අමෙරිකානු තානාපති කාර්යාලයෙන් ඉල්ලීමක් සිදු කර තිබෙනවා.
එහි දැක්වෙන්නේ; සිය රටවැසියන්ට ආරුගම්බේ ඇතුළු මෙරට පිහිටි සංචාරක කලාපවල සංචාරය කිරීමට පනවා තිබූ තහනම් ඉවත් කරන ලෙසයි.
පසුගියදා ආරුගම්බේ ඇතුළු සංචාරක ප්‍රදේශ ඉලක්ක කරගෙන ප්‍රහාරයක් එල්ල වීමේ අවදානමක් ඇති හෙයින් අමෙරිකානු පුරවැසියන්ට එහි සිදු කරන සංචරණයන් නවත්වන ලෙසටයි අමෙරිකානු තානාපති කාර්‍යාලය ඉල්ලා සිටියේ.
ඒ අනුව ආරුගම්බේ ඇතුළු සංචාරක කලාපවලට විදේශිකයින්ගේ පැමිණීම බොහෝ සෙයින් අඩු වුණා.
නමුත් ශ්‍රී ලංකා පොලිස් මූලස්ථානය සහ ආරක්ෂක අමාත්‍යාංශය නිවේදනයක් නිකුත් කරමින් සඳහන් කළේ; බුද්ධි අංශ තොරතුරු අනුව සියලුම ආකාරයෙන් පූර්ණ ආරක්ෂාවක් සංචාරක කලාප අවට සහ දිවයින පුරාම ක්‍රියාත්මක කර අවසන් බවත් කිසිදු බියවීමක් ඇති කරගත නොගත යුතු බවයි.
අමෙරිකානු නිවේදනයෙන් පසුව මෙරට පිහිටි බ්‍රිතාන්‍ය මහ කොමසාරිස් කාර්‍යාලය, කැනඩාව ආදි රටවල් ද සිය පුරවැසියන්ට ශ්‍රී ලංකාවේ ආරුගම්බේ කලාපය තහනම් කෙරුණා.
මෙවන් පසුබිමකදියි ශ්‍රී ලංකා විදේශ කටයුතු අමාත්‍යාංශයෙන් අමෙරිකානු තානාපති කාර්යාලයෙන් අදාළ ඉල්ලීම සිදු කර ඇත්තේ.
