ත්රීකුණාමලය මහ රෝහලේ දැඩි සත්කාර ඒකකයට අනුයුක්ත හෙදියන් පස් දෙනෙකුට කොවිඩ් වෛරසය ආසාධනය වී ඇති බව ත්රීකුණාමලය නියෝජ්ය ප්රාදේශීය සෞඛ්ය සේවා අධ්යක්ෂකවරයා පවසනවා.
කෙසේ වෙතත්,දැඩි සත්කාර ඒකකයේ ප්රතිකාර ලබන රෝගීන් කිසිවෙකුටත් රෝගය සම්ප්රේෂණය වී නොමැති බව රෝහල් ආරංචි මාර්ග කියසිටිනවා.
මෙම හෙදියන් පස් දෙනා අතරින් දෙදෙනකු කෝවිඩ් එන්නතේ පලමු මාත්රාව ලබා ගෙන තිබීම විශේෂත්වයකි.
මෙම ආසාදිතයන්ගේ ආශ්රිතයෙන් හත් දෙනකු මේ වන විට ත්රිකුණාමලය මහ රෝහල තුළ ඇති නිල නිවාසයක නිරෝධායනය වෙමින් සිටියි.
ඔවුන් නිරෝධායනය වෙමින් සිටින නිවසේ වැසිකිළි පහසුකම් ඉතාමත්ම අපිරිසිදු මට්ටමක පවතින බවත් ඔවුන්ට අවශ්ය ආහාර පාන නොලැබෙන බවත්, ආහාර පාන රෝහලේ සේවය කරන වෛද්යවරුන්ගේ පෞද්ගලික මුදලින් ලබාදෙන බවත් දැනට තොරතුරු වාර්තා වෙනවා.
නිරෝදායනය වන මෙම රෝහල් සේවකයින් ප්රකාශ කර සිටින්නේ ජනතාව වෙනුවෙන් සේවය කර තමන් මෙලෙස රෝගාතුර වූ අවස්ථාවේ රෝහල් පාලනාධිකාරිය සහ රජය ඔවුන්ව මෙලෙස නොසලකා හැරීම කණගාටුවට කාරණාවක් බවයි.
තත්ත්වය මෙසේ දිගින් දිගටම පැවතුණහොත් රෝහල් සේවකයින් තම රාජකාරී වලින් ඉවත් වීමට ද ඉඩ තිබෙන බවත් ඔවුන් වැඩි දුරටත් කියා සිටියා.
