නිවසක ජීවත් වූ අඹු – සැමි යුවලක් ඝාතනය කර තිබියදී එම මළසිරුරු අද (30) පේදුරුතුඩුව පොලිසිය මගින් සොයාගෙන තිබෙනවා.
අප ප්‍රාදේශීය වාර්තාකරු පැවසුවේ මෙම මරණකරු සහ මරණකාරිය කර්කෝවලම් ප්‍රදේශයේ පිහිටි සිය නිවසේ දී ඝාතනය වී ඇත්තේ කොන්ක්‍රීට් ගල් උපයෝගී කරගනිමින් බවයි සිදු කළ මූලික පොලිස් විමර්ශනවල දී හෙළි ව ඇත්තේ.
මියගිය මරණකරුගේ (සැමියා) මිත්‍රයෙකු දුන් දූරකථන ඇමතුමකට ප්‍රතිචාර නොදැක්වීම මත අදාළ මිතුරා සිය මිතුරාගේ (මරණකරුගේ) නිවසට පැමිණ තිබෙනවා.
එසේ පැමිණි මිතුරාට දැක ගැනීමට ලැබී ඇත්තේ සිය මිත්‍රයා සහ ඔහුගේ බිරිඳ ඝාතනය වී ඇති බවයි.
පසුව ඔහු විසින් අදාළ සිදුවීම ප්‍රදේශවාසීන් වෙත පවසා කඩිනමින් පොලිසිය දැනුවත් කර තිබෙනවා.
පේදුරුතුඩුව මහෙස්ත්‍රාත්වරයා පැමිණ මරණ පරීක්ෂණ කටයුතු සිදු කළ බවත්; අදාළ ඝාතනයට යොදාගත්තා යැයි සැක කෙරෙන කොන්ක්‍රීට් ගල් කිහිපයක් ම සිරුරු අසල තිබියදී සොයාගත් බවත් පොලිසිය පවසනවා.
මෙම ඝාතනය කවුරුන් විසින් කුමන හේතුවක් මත සිදු කළේ ද යන්න මෙතෙක් අනාවරණය වී නැහැ.
මරණකරු පේදුරුතුඩුව රෝහලේ කම්කරුවෙකු ලෙස සේවය කරන බව ද හෙළි ව තිබෙනවා.
මෙලෙස ඝාතනය වී ඇත්තේ 54 හැවිරිදි මාණික්කම් සුබ්‍රමිණියම් සහ ඔහුගේ බිරිඳ වූ 53 හැවිරිදි මේරි සුබ්‍රමණියම් යන අය යි.
සිද්ධිය සම්බන්ධයෙන් පේදුරුතුඩුව පොලීසිය වැඩිදුර පරික්ෂණ සිදු කරනවා.
