මාර්ග ආරක්ෂාව පිළිබඳව වැඩි අවදානමක් යොමුකළයුතු දිනයක් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ ප්‍රකාශ කළා.
ඒ එළඹෙන දීර්ඝ සති අන්තය හේතුවෙන් ජනතාව විවිධ ප්‍රදේශවලට ගමන් කිරීමට පෙළඹීම හේතුවෙන්.
එහිදී වැඩිදුරටත් අදහස් දක්වමින් නියෝජ්‍ය පොලිස්පති අජිත් රෝහණ ප්‍රකාශ කළේ මේ වනවිට කොවිඩ් අවදානම ඉතා වැඩි වී ඇති බැවින් එළඹෙන දීර්ඝ සති අන්තයේ ඒ පිළිබඳවද විශේෂ අවදානයක් යොමුකළ යුතු බවයි.
යම් යම් ස්ථානවල පොකුරු සහ අනු පොකුරු නිර්මාණය වෙමින් පවතින බවද මාධ්‍ය ප්‍රකාශකවරයා සඳහන් කළා.
ඒ අනුව මාර්ග නීති පිළිබඳවද සෞඛ්‍ය මාර්ගෝපදේශ පිළිබඳවද ජනතාව වැඩි සැළකිල්ලක් දැක්විය යුතු බවයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ දැනුම්දෙන්නේ.
එහිදී විශේෂයෙන් මුහුණු ආවරණ පැළඳීම දුරස්ථභාවය තබාගැනීම අත් පිරිසිදු කරගැනීම ආදී කාරණා සෑම අවස්ථාවකම සිදුකළ යුතු වනවා. මේ අතර බීමත් රියදුරන් අත්අඩංගුවට ගැනීම සඳහා ද ශ්‍රී ලංකා පොලිසිය විසින් විශේෂ වැඩපිළිවෙලක් ක්‍රියාත්මක කරන බවයි පොලිස් මාධ්‍ය ප්‍රකාශකවරයා සඳහන් කළේ.
