වාහන ආනයනය කිරීමට මෙතෙක් කිසිදු නිල ප්‍රකාශයක් හෝ රජයේ ස්ථිර වැඩපිළිවෙළක් හෝ නොමැති බවට ශ්‍රී ලංකා වාහන ආනයනකරුවන්ගේ සංගමයේ සභාපති ප්‍රසාද් මානගේ මහතා පවසනවා.
අද (08) පැවති මාධ්‍ය හමුවක දී අදහස් දක්වමින් ඒ මහතා කියා සිටියේ; වාහන ආනයනය කිරීමට අවසර දෙන බවට පැවසුව ද; ඒ සම්බන්ධයෙන් මෙතෙක් ඇත්තේ හිටපු අමාත්‍යවරයෙකුගේ ප්‍රකාශයක් පමණක් බවයි.
පළමු ව බස් සහ ලොරි රථ ගෙන්වීමට සැලසුම් සකස් කර තිබුණ ද; එය සිදු කිරීමට කිසිදු වැඩපිළිවෙළක්, නව තීරණයක් හෝ රජය විසින් ගෙන නොමැති බවයි වාහන ආනයනකරුවන්ගේ සංගමය පෙන්වා දෙන්නේ.
පසුගිය රජය සමයේ කැබිනට් මණ්ඩලයෙන් ප්‍රකාශයක් සිදු කළ ද; නව රජය විසින් කිසිදු පියවරක් ගෙන නැති බව ද හෙතෙම පැවසුවා.
පළමුව බස් සහ ලොරි රථ ගෙන්වා ආර්ථිකයට සිදුවන බලපෑම සලකා බලා පසුව සෙසු වාහන ගෙන්වීමට අවසර දෙන බවට පසුගිය රජය යටතේ සැලසුම් සකස් කර තිබූ බව ද වාහන ආනයනකරුවන්ගේ සංගමය පෙන්වා දුන්නා.
නමුත් නැවත වාහන ආනයනය ගැන කතාබහක් කෙරෙන්නේ නම්; එය නව අයවැයෙන් පසුව සිදු කළ යුත්තක් බවට පත් වී ඇති වගයි ප්‍රසාද් මානගේ මහතා වැඩිදුරටත් පෙන්වා දුන්නේ.
wpDiscuz
