රජයේ වෛද්ය නිලධාරීන්ගේ සංගමයේ හිටපු ලේකම් වෛද්ය නවීන් ද සොයිසාගේ නිවස හොරු කඩා ඇති බවට ලද පැමිණිල්ලක් මත කළුතර උතුර පොලිසිය පරීක්ෂණ ආරම්භ කර තිබෙනවා.
වෛද්ය නවීන් ද සොයිසා මේ වනවිට විදේශ ගතව සිටින බවත්, ඔහුගේ නිවසේ රැඳී සිටින පුද්ගලයෙකු විසින් කළ පැමිණිල්ලක් මත මෙසේ පරීක්ෂණ ආරම්භ කර ඇති බවත් පොලිසිය සඳහන් කරනවා.
කිසියම් ආයුධයක් යොදා නිවසේ ඉදිරිපස දොර ගලවා ඇතුළු වී ඇති අතර වෛද්යවරයා විදෙස් ගතව සිටින බැවින් සොරකම් කර ඇති දෑ පිළිබඳව මෙතෙක් නිශ්චිතව ප්රකාශ කර නැහැ.
නිවසේ සිසිටීවී කැමරා කිහිපයක් සවිකර ඇති බැවින් එම දර්ශණ උපයෝගී කරගනිමින් සැකකරු අත්අඩංගුවට ගැනීමට ක්රියකරන බව පරීක්ෂණ සිදුකරන නිලධාරීන් පවසනවා.
ස්ථානාධිපති ප්රධාන පොලිස් පරීක්ෂක දමිත් ජයතිලකගේ ප්රධානත්වයෙන් කළුතර කොට්ඨාශ අපරාධ ස්ථාන පරීක්ෂණාගාර නිලධාරීන් පරික්ෂණ සිදුකරන බවයි වාර්තා වන්නේ.
