බුරුත දැව ජාවාරමක් සිදුකළ පුද්ගලයෙකු ඊයේ (09) මුලතිව්, පුදුකුඩිඉරිප්පු, ශිවනගර් ප්‍රදේශයේදී අත්අඩංගුවට ගත් බව පුදුකුඩිඉරිප්පු පොලිසිය පවසනවා.
මෙම වැටලීමේදී බුරුත දැව කඳන් 14 ක් සමග සැකකරුවෙක් අත්අඩංගුවට ගෙන තිබෙනවා.
සැකකරු ප්‍රදේශයේ දැව මඩු වෙත බුරුත දැව සැපයීම වෙනුවෙන් බුරුත දැව කඳන් අලෙවි කළ පුද්ගලයෙකු වන බවයි පොලිසියට අනාවරණය වී ඇත්තේ.
අත්අඩංගුවට ගත් බුරුත දැව කඳන් හා සැකකරු මුලතිව් මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
සිද්ධිය සම්බන්ධයෙන් පුදුකුඩිඉරිප්පු පොලිසිය වැඩිදුර පරීක්ෂණ පවත්වනු ලබනවා.
