ජනාධිපති රනිල් වික්‍රමසිංහ මහතාගේ ‘පුළුවන් ශ්‍රී ලංකා’ ප්‍රතිපත්ති ප්‍රකාශය අද (29) එළිදැක්වෙනවා.
කොළඹ ටාජ් සමුද්‍රා හෝටලයේ දී එම උත්සවය පැවැත්වෙන අතර “රනිල් සමග රට දිනවන වසර 5ක්” යන තේමාව ප්‍රතිපත්ති ප්‍රකාශය නම්කර තිබෙනවා.
ඒ අනුව ඉදිරි පස් වසරක කාලය සඳහා ශ්‍රී ලංකාව තුළ ආර්ථික, සමාජීය, දේශපාලනික හා සංස්කෘතික වශයෙන් සියලු ම අංශ සංවර්ධනය සිදු කරන ආකාරය පිළිබඳව මෙම ප්‍රතිපත්ති ප්‍රකාශය තුළ සඳහන් වනු ඇති.
ජනාධිපති මාධ්‍ය අංශය පවසන්නේ; ජනාධිපතිවරයා අද දින රට ගොඩනැගීමේ ප්‍රතිපත්තිය නිකුත් කරන බවයි.
ජනාධිපතිවරයා සිය නිල ෆේස්බුක් ගිණුමෙහි සටහනක් තබමින් සිය ප්‍රතිපත්ති ප්‍රකාශය සම්බන්ධයෙන් මෙසේ අදහස් දක්වා තිබෙනවා.
”අද මම ඉදිරිපත් කරන්නේ අපේ රට ගොඩනැගීමේ මගේ ප්‍රතිපත්තියයි. මම පොරොන්දු වන්නේ මට දිය හැකි දේ පමණි. ඉතින් ඉදිරි වසර පහ තුළ මම මගේ උපරිමය අපේ රට වෙනුවෙන් කැප කරනවා. මම මේ රට බේරගන්නම්. ඉදිරි වසර පහ මගේ නායකත්වය යටතේ ශ්‍රී ලංකාවට ජයග්‍රාහී කාලයක් ගෙන එන බවට මම සහතික වෙනවා..” යනුවෙන්.
