වයස අවුරුදු 15යි මාස 07ක් වයසැති පාසල් සිසුවියක් මව්පිය භාරකාරත්වයෙන් පැහැරගෙන ගිය බව කියන 23 හැවිරිදි තරුණයෙකු අත්අඩංගුවට ගෙන ඇති බව වනාතවිල්ලුව පොලීසිය පවසනවා.
පොලීසිය විසින් මෙලෙස අත්අඩංගුවට ගෙන ඇත්තේ පුත්තලම – ස්මයිල්පුරම් ප්‍රදේශයේ පදිංචිකරුවෙකුවෙක්.
උපකාරක පංතියකට යන බව පවසා ඉකුත් අගෝස්තු 25 වැනිදා නිවසින් ගිය තම දියණිය නැවත නොපැමිණි බව ඇයගේ මව විසින් පොලීසියට පැමිණිලිකර තිබෙනවා.
එම පැමිණිල්ල අනුව ක්‍රියාත්මක වී ඇති පොලීසිය පැහැර ගෙන ඇති බව කියන සිසුවි සහ සැකකාර තරුණයාව අත්අඩංගුවට ගෙන ඇති බවයි වාර්තා වන්නේ.
ප්‍රේම සම්බන්ධතාවයක් මත මෙම පැහැර ගැනීම සිදුකර ඇති බවයි පොලීසියට කරුණු අනාවරණය වී ඇත්තේ.
සිසුවි වෛද්‍ය පරීක්ෂණයක් සදහා පුත්තලම මූලික රෝහලට ඇතුළත් කර ඇති අතර සැකකරු පුත්තලම මහේස්ත්‍රාත් අධිකරණයට ඉදිරිපත් කිරීමට නියමිතයි.
ඔබේ ප්‍රතිචාරය කුමක්ද ?
+1
+1
+1
+1
+1
1
+1
+1
