ආයුධ සන්නද්ධව පැමිණි පිරිසක් මරදාන ප්රදේශයේදී ත්රිරෝද රථ රියදුරෙකුට සිදුකළ අමානුෂික පහරදීමක් පිළිබඳව පොලිසිය විමර්ශනයක් ආරම්භ කර තිබෙනවා.
මෙම ත්රිරෝද රථයේ පසුගිය 10 වැනිදා පස්වරුවේ වයස අවුරුදු 16ක පමණ තරුණයෙකු ගැටී තිබෙනවා.
පසුව ත්රීරෝද රථයේ රියදුරු හා එම තරුණයා අතර බහින්බස්වීමක් සිදුව තිබුණා.
එම සිද්ධියෙන් අනතුරුව අදාළ ත්රිරෝද රථය මරදාන – මොහිදින් මස්ජීඩ් මාවතට පැමිණ තිබෙනවා.
ත්රිරෝද රථයේ පැමිණි පුද්ගලයා පිළිබඳව ඔත්තු බැලීම සඳහා එම ස්ථානයට ඒවන විටත් පුද්ගලයෙකු පැමිණ සිටි අයුරු දක්නට ලැබුණු අතර ඔත්තු බැලීමට පැමිණි පුද්ගලයා ලබාදුන් දුරකථන ඇමතුමකට අනුව 20 දෙනෙකුගෙන් පමණ සමන්විත සංවිධානාත්මක පිරිසක් මෙම ස්ථානයට මෙලෙස කඩා වැදුනා.
ඒ, අසළ පිහිටි නිවාස්වල පුද්ගලයන්ටද තර්ජනය කරමින්.
සංවිධානාත්මක පිරිස යකඩ පොලු හා කඩුවලින් ත්රිරෝද රථයේ රියදුරුට මෙලෙස පහරදෙනවා.
ප්රහාරය අතරතුර ත්රීරෝද රථ රියදුරු තම ජීවිතය බේරාගැනීම සදහා මෙලෙස පළා යන අයුරු දක්නට ලැබෙනවා.
රියදුරු පලායාමෙන් අනතුරුව සංවිධානාත්මක පිරිස නැවත පැමිණ ත්රිරෝද රථයට පහරදෙන්නේ මෙලෙසින්.
අප මෙම පහරදීම පිළිබඳව මරදාන පොලිසියෙන් විමසීමක් කළා.
එහි උසස් නිලධාරියෙකු සඳහන් කළේ මෙම ප්රහාරයෙන් 22 හැවිරිදි ත්රිරෝද රථ රියදුරු කැපුම් තුවාල සහිතව කොළඹ ජාතික රෝහලේ මේවන විට ප්රතිකාර ලබන බවයි.
පහරදීමේ සිද්ධිය සම්බන්ධයෙන් පුද්ගලයන් දෙදෙනෙකු සැකපිට අත්අඩංගුවට ගෙන ඇති අතර, සිද්ධිය සම්බන්ධයෙන් තවදුරටත් විමර්ශන ක්රියාත්මක බව පොලිසිය සඳහන් කළා.
