නාවික හමුදා සමාජ මෙහෙවර ව්යාපෘතිය යටතේ නාවික තටාකාංගනයේ, නාවික යුදා යුද දෙපාර්තමේන්තු ජැටිය පරිශ්රයේ (CNAD Pier) ස්ථාපනය කළ ප්රතිආශ්රැති ජල පිරිපහදු මධ්යස්ථානය ඊයේ (20) දින නැගෙනහිර නාවික විධානයේ ආඥාපති රියර් අද්මිරාල් කාංචන බානගොඩගේ ප්රධානත්වයෙන් විවෘත කෙරුණා.
එම ව්යාපෘතිය යටතේ නාවික තටාකාංගනයේ, නාවික යුදායුද දෙපාර්තමේන්තු ජැටිය පරිශ්රයේ ස්ථාපනය කළ 1024 වන ප්රතිආශ්රැති ජලපිරිපහදු මධ්යස්ථානය, විවෘත කිරීමයි මෙලෙස සිදු කෙරුණේ.
නාවික හමුදාධිපති, වයිස් අද්මිරාල් ප්රියන්ත පෙරේරාගේ උපදෙස් හා මග පෙන්වීම මත, නාවික හමුදා තාක්ෂණික හා ශිල්පීය දායකත්වයෙන් ප්රතිආශ්රැති ජලපිරිපහදු මධ්යස්ථාන ස්ථාපනය කිරීමේ සමාජ සත්කාරක ව්යාපෘතිය නාවික හමුදා පර්යේෂණ හා සංවර්ධන ඒකකය මගින් ක්රියාවට නංවනු ලබනවා.
මෙම ප්රතිආශ්රැති ජලපිරිපහදු මධ්යස්ථානය ස්ථාපනය මගින් නාවික යුදායුද දෙපාර්තමේන්තු ජැටියට යාබද ව නවත්වනු ලබන නාවික හමුදා යාත්රාවන්ගේ නාවික හමුදා පුද්ගලයන්ගේ මෙන්ම නාවික තටාකාංගනයේ නාවික හමුදා පුද්ගලයන්ගේ පිරිසිදු පානීය ජල අවශ්යතාව පහසුවෙන් සපුරා ගැනීමට හැකියාව ලැබෙනු ඇති බවයි වාර්තා වන්නේ.
