ඇෆ්ගනිස්ථාන ක්‍රිකට් කණ්ඩායමේ පිතිකරුවෙකු වන Ihsanullah Janat හට ජාත්‍යන්තර ක්‍රිකට් තරග තහනමක් පනවා තිබෙනවා.
ජාත්‍යන්තර ක්‍රිකට් කවුන්සිලය විසින් මෙම තීරණය ගෙන ඇත්තේ ජනට් කාබුල් ප්‍රිමියර් ලීග් (KPL) 2 අදියරේ දී ACB සහ ICC දූෂණ විරෝධී සංග්‍රහයන් උල්ලංඝණය කිරීම හේතුවෙන්.
මෙම වරද හේතුවෙන් ජනට් හට වසර 05ක් තරග තහනමක් පැනවී තිබෙනවා.
ICC දූෂණ විරෝධී සංග්‍රහයේ 2.1.1 වගන්තිය උල්ලංඝණය කිරීම සම්බන්ධයෙන් ජනත් වැරදිකරු වී තිබෙනවා.
මෙම උල්ලංඝණය කිරීම හේතුවෙන් ඔහුට ක්‍රිකට් ක්‍රීඩාවට සම්බන්ධ සියලුම ක්‍රියාකාරකම්වලින් වසර පහක තහනමක් පැනවීමටයි කටයුතු කර ඇත්තේ.
ජනට් චෝදනා පිළිගෙන ඇති අතර ඔහු දූෂිත ක්‍රියාකාරකම්වලට සම්බන්ධ බවට ද පාපොච්චාරණය කර ඇති බවයි වාර්තා වන්නේ.
