අද (22) දිනයේ සිට බිත්තරයක් රුපියල් 42ක මිලකට වෙළෙඳපොළට නිකුත් කරන බව බිත්තර නිෂ්පාදකයින්ගේ සංගමය සඳහන් කරනවා.
බිත්තර නිෂ්පාදකයින්ගේ සංගමයේ සභාපති සරත් රත්නායක සඳහන් කළේ මධ්‍යම ප්‍රමාණයේ බිත්තරයක් රුපියල් 39ක මිලකට නිකුත් කරන බවයි.
මේ අතර බිත්තර මිල පසුගිය සමයේ වාර්තාගත ලෙස ඉහළ යාමත් සමඟ පාරිභෝගිකයින් දැඩි අපහසුතාවයකට පත් වුණා.
වෙළඳපොළේ මේ වනවිට බිත්තරයක් රුපියල් 50ත් 55ත් අතර මිලකට අලෙවි වනවා.
මේ අතර බිත්තර වෙළෙඳ සංගම් චෝදනා කරන්නේ බිත්තර නිෂ්පාදකයින් විසින් බිත්තරයකින් රුපියල් 25ක අයුතු ලාභයක් ලබා ගන්නා බවයි.
එවන් පසුබිමක යළිත් වරක් බිත්තර ආනයනය සඳහා රජයේ අවදානය යොමුව තිබෙනවා.
කෙසේ වෙතත් මාස තුනක පමණ කාලයක සිට සතොස වෙළෙඳසැල්වල ආනයනික බිත්තර නොමැති බව වෙළඳ අමාත්‍ය නලින් ප්‍රනාන්දු සඳහන් කළා.
ඔබේ ප්‍රතිචාරය කුමක්ද ?
+1
+1
+1
1
+1
+1
+1
+1
