ඉන්දියාවේ ආරක්ෂාවට හානියක් කිරීමට කිසිම රටක් ශ්‍රී ලංකාව යොදා නොගන්නා බවට සහතික විය හැකි බව විදේශ කටයුතු රාජ්‍ය අමාත්‍ය තාරක බාලසූරිය පවසනවා.
රාජ්‍ය අමාත්‍යවරයා මේ බව සඳහන් කළේ NDTV ප්‍රවෘත්ති නාලිකාව සමඟ විශේෂ සම්මුඛ සාකච්ඡාවකට එක්වෙමින්.
ශ්‍රී ලංකාවට ඉන්දියාවේ වර්ධනයෙන් ප්‍රයෝජන ගැනීමට අවශ්‍ය බවත්, එය චීනය ඇතුළු කිසිදු රටකට නවදිල්ලියේ ආරක්ෂක ගැටළුවලට හානිවන ආකාරයෙන් භාවිත කිරීමට ඉඩ නොදෙන බවට සහතිකයක් ලබා දී ඇති බව ද ඔහු වැඩිදුරටත් සඳහන් කළා.
එමෙන්ම ශ්‍රී ලංකාව සහ ඉන්දියාව අතර සම්බන්ධතාව වැඩි කිරීම සම්බන්ධයෙන් ද රාජ්‍ය අමාත්‍ය තාරක බාලසූරිය මෙහිදී අවධාරණය කර සිටියා.
ලෝකයේ වර්තමාන මූල්‍ය හා දේශපාලන ක්‍රමය වෙනස් කිරීමේ අවශ්‍යතාවයක් පවතින බව ද ඔහු පැවසුවා.
මේ අතර ශ්‍රී ලංකාව ආර්ථික අර්බුදයකට ලක්වීමට මෙරටම ක්‍රියාවන් හේතු වූ බවත්, ඒ සඳහා වෙනත් රටවලට දොස් පැවරීමට නොහැකි බව ද ඔහු සඳහන් කළා.
එමෙන්ම මෙම සම්මුඛ සාකච්ඡාවේ දී රාජ්‍ය අමාත්‍යවරයා අවධාරණය කර සිටියේ එක්සත් ජාතීන්ගේ ආරක්ෂක කවුන්සිලයේ ඉන්දියාවට ස්ථානයක් හිමිවිය යුතු බවයි.
රාජ්‍ය අමාත්‍ය තාරක බාලසූරිය සහභාගී වූ සම්මුඛ සාකච්ඡාව පහතින්.
