බුස්ස බන්ධනාගාරයෙන් යළිත් දුරකතන මතුවෙයි (ඡායාරූප)

බුස්ස අධිආරක්ෂිත බන්ධනාගාර රැදවුම් වාට්ටු දෙකකින් නැවතත් ජංගම දුරකතන හා උපාංග පොලිස් විශේෂ කාර්ය බලකායෙ අත්අඩංගුවට ගත්බව එම බලකාය පවසනවා.

මියගිය සංවිධානාත්මක අපරාධකරුවෙකු සහ මත්ද්‍රව්‍ය ජාවාරම්කරුවෙකු වන කොස්ගොඩ තාරකගේ සහෝදරයා රැදී සිටින බුස්ස අධි ආරක්ෂිත බන්ධනාගාරයේ සිර මැදිරියෙන් සහ මත්ද්‍රව්‍ය ජාවාරම්කරුවෙකු වන රැවුල් කුමාර යන අය රැදී සිටින සිර මැදිරියෙන් ඊයේ (21) දින මෙම ජංගම දුරකතන සහ උපාංග පොලිස් විශේෂ කාර්ය බලකායේ අත්අඩංගුවට ගෙන ඇති බව සඳහන්.

එහි දී,
අංක 53 සිර මැදිරියෙන්.
1) ජංගම දුරකථන 02ක්.
2) සිම්පත් 01ක්.
3) දුරකථන අංක 280 කට අධික ප්‍රමාණයක් සදහන් කර ඇති කුඩා ප්‍රමාණයේ සටහන් පොත් 01ක්.
4) විද්‍යුත් ලිපින සහිත කොල කැබලි 01ක්.
5) හැන්ඩ් ෆ්‍රී 01ක්.
අංක 97 සිර මැදිරියෙන්.
1) ජංගම දුරකථන 02ක්.
2) ඩේටා කේබල් 01ක්. අත්අඩංගුවට ගෙන තිබෙනවා.