නල්ලතන්නිය ශ්රී පාද මාර්ගයේ රතුඅම්බලම සහ ඉදිකටු පහන ප්රදේශයේ විදුලිබල මණ්ඩලය මඟින් අලුතින් ඉදිකරන විදුලි රැහැන් පද්දතියට අවශ්ය විදුලි ට්රාන්ස්පෝමරය ඇතුළු උපකාර රැගෙන යාම අද (15) පෙරවරුවේ සිදු කෙරුණා.
ශ්රී ලංකා ගුවන් හමුදාවේ එම්.අයි 17 හෙළිකොප්ටර් යානයකින් මෙම උපකරණ නල්ලතන්නිය ක්රිඩාංගණයේ සිට රැගෙන යාම සිදුකළ බවයි අප වාර්තාකරු සඳහන් කළේ.
මෙම මෙහෙයුම සඳහා ගුවන් හමුදාවේ නිලධාරින් සහ භට පිරිසක් සමඟ ලංකා විදුලිබල මණ්ඩලයේ ඉන්ජිනේරුවන් ඇතුළු සේවක පිරිසක් සහ නල්ලතන්නි පොලිසියේ නිලධාරින් එකව සිටියා.
ශ්රී පාදස්ථාධිපති බෙම්ගමුවේ ධමිමධින්න නා හිමියන්ගේ උපදෙස් පරිදි නල්ලතන්නිය ශ්රි පාද මාර්ගයේ සිත ගඟුලේ සිට ශ්රි පාද උඩ මළුව දක්වා කිලෝමිටර් 05ක් දුරට වන්දනාකරුවන්ට සහ උඩ මළුවට පෞද්ගලික අංශයක අනුග්රහය මත ලබාදීමට කටයුතු කර ඇති පානිය ජල යොජනා ක්රමයට අවශ්ය පොම්පාගාර ඉදිකිරිම සදහ අවශ්ය විදුලි ට්රාන්ස්පෝමර් 04ක්, ජල
පොම්ප, යකඩ විදුලි කණු කිහිපයක්, විදුලි රැහැන්, සිමෙන්ති, වැලි ඇතුළු ටොන් 25ක උපකරණ සහ ද්රව්ය මෙලෙස ගුවන් මඟින් රැගෙන යාමට කටයුතු කර තිබුණා.
