තද සුළං සහ මුහුද රළු වීම පිළිබඳ කාලගුණ විද්යා දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇඟවීමේ මධ්යස්ථානය විසින් අවවාදාත්මක නිවේදනයක් නිකුත් කර තිබෙනවා.
බෙංගාල බොක්ක මුහුද සහ ඊට යාබද දකුණු අන්දමන් මුහුද ආශ්රිතව ක්රියා කරන බහුදින ධීවර යාත්රා සඳහා අද (30) සවස 3.30ට මෙම නිවේදනය නිකුත් කර ඇත්තේ හෙට (01) සවස 3.30 දක්වා වලංගු වන ආකාරයෙන්.
අදාළ නිවේදනයේ දැක්වෙන්නේ දකුණු අන්දමන් මුහුද සහ ඊට යාබද ගිනිකොනදිග බෙංගාල බොක්ක ආශ්රිතව පවතින අඩු පීඩන කලාපය බටහිරට බරව වයඹ දෙසට ගමන් කරමින් ඉදිරි පැය 24 තුළ ගිනිකොනදිග බෙංගාල බොක්ක ආශ්රිතව පීඩන අවපාතයක් දක්වාත් ඉන් පසුව සුළි කුණාටුවක් දක්වාත් වර්ධනය වීමට ඉඩ ඇති බවයි.
මේ හේතුවෙන් උතුරු අක්ෂාංශ 5ත් 12 ත් නැගෙනහිර දේශාංශ 83ත් 96ත් අතර මුහුදු ප්රදේශයට ඉදිරි පැය 48 තුළ යාත්රා නොකරන ලෙසටයි ධීවර සහ නාවික ප්රජාවන්ට දැනුම් දෙන්නේ.
දැනට මෙම මුහුදු ප්රදේශවල ධීවර කටයුතුවල යෙදී සිටින පිරිසට වහාම ගොඩබිමට හෝ ආරක්ෂිත ස්ථානයක් වෙත පැමිණෙන ලෙසට දැනුම් දෙනවා.
එමෙන්ම කාලගුණ විද්යා දෙපාර්තමේන්තුව මගින් මේ සම්බන්ධයෙන් නිකුත් කරන ඉදිරි නිවේදන පිළිබඳ අවධානය යොමු කරන ලෙසටයි ධීවර හා නාවික ප්රජාවගෙන් ඉල්ලීමක් කෙරෙන්නේ.
මේ අතර ගිනිකොණදිග බෙංගාල බොක්ක මුහුදු ප්රදේශයේ පවතින අඩු පීඩන කලාපය හේතුවෙන් දිවයිනේ වැසි තත්ත්වයේ වර්ධනය වීමක් බලාපොරොත්තුවන බව කාලගුණ විද්යා දෙපාර්තමේන්තුව පවසනවා.
එමෙන්ම ඊසානදිග ත්මා්සම් කාලගුණ තත්ත්වය ද දිවයින හරහා ක්රමයෙන් ස්ථාපිත වෙමින් පවතින බවයි ඔවුන් සඳහන් කළේ.
මේ හේතුවෙන් උතුර, උතුරු මැද සහ නැගෙනහිර පළාත්වල විටින් විට වැසි හෝ ගිගුරුම් සහිත වැසි ඇති වනවා.
නැගෙනහිර පළාතේත් පොළොන්නරුව දිස්ත්රික්කයේත් ඇතැම් ස්ථානවලට මිලිමීටර් 100ක පමණ තද වැසි ඇතිවිය හැකියි.
දිවයිනේ සෙසු පළාත්වල පස්වරු 1න් පමණ පසු තැනින් තැන වැසි හෝ ගිගුරුම් සහිත වැසි ඇතිවීමේ හැකියාවක් පවතිනවා.
බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්වලත් ඇතැම් ස්ථානවල මිලිමීටර් 75ක පමණ තරමක් තද වැසි ද ඇතිවිය හැකියි.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදුවන අනතුරු අවම කර ගැනීමට අවශ්ය පියවර ගන්නා ලෙසටයි ජනතාවගෙන් ඉල්ලීමක් කෙරෙන්නේ.
