දිවයින පුරා වැසී තිබෙන හා වැසීයාමට ආසන්න තත්ත්වයේ ඇති රෝහල් නැවත ක්රියාත්මක කර රෝගී සත්කාර සේවාවන් ආරම්භ කිරීමට අවශ්ය පියවර ගන්නා ලෙස සෞඛ්ය හා කර්මාන්ත අමාත්ය රමේෂ් පතිරණ සෞඛ්ය අමාත්යංශයේ නිලධාරීන්ට උපදෙස් ලබා දී තිබෙනවා.
රජයේ වෛද්ය නිලධාරීන්ගේ සංගමයේ නියෝජිතයින් සමඟ අද (27) පැවති සාකච්ඡාවක දී අමාත්යවරයා මෙම උපදෙස් ලබාදෙනු ලැබුවා.
මේ වන විට දිවයින පුරා රජයේ රෝහල් 40 කට ආසන්න ප්රමාණයක් වැසී තිබෙන බවත්, 100 කට ආසන්න රෝහල් ප්රමාණයක් වැසී යාමට ආසන්න තත්ත්වයේ ඇති බවත් මෙහිදී අනාවරණය වුණා.
මේ පිළිබදව විශේෂ අවධානය යොමු කළ සෞඛ්ය හා කර්මාන්ත අමාත්ය වෛද්ය රමේෂ් පතිරණ සෞඛ්ය අමාත්යංශයේ නිලධාරීන්ට උපදෙස් ලබා දෙමින් කියා සිටියේ, සෞඛ්ය සේවා අධ්යක්ෂ ජනරාල්වරයාගේ ප්රධානත්වයෙන් රජයේ වෛද්ය නිලධාරීන්ගේ සංගමයේ සාමාජිකයින්ද, එම කමිටුවේ සාමාජිකයන් බවට පත් කරමින් විශේෂ කමිටුවක් පත් කර මෙම රෝහල් සදහා අවශ්ය වෛද්ය නිලධාරීන් අනුයුක්ත කිරීම කඩිනමින් සිදු කර රෝගී ප්රතිකාර සේවාවන් නැවත ආරම්භ කිරීමට අවශ්ය පියවර ගන්නා ලෙසයි.
වෛද්යවරුන් නොමැතිව මේ වන විට වැසී තිබෙන හා වැසී යාමට ආසන්න තත්ත්වයේ ඇති රෝහල් උතුරු පළාතේ දිස්ත්රික්ක, පුත්තලම හා නුවරඑළිය දිස්ත්රික්කවල බව අනාවරණය කර ගෙන තිබෙනවා.
වෛද්යවරුන් විදේශ ගතවීම, විශ්රාම යාම, ස්ථාන මාරුවීම් ලබා ගැනීම, සේවය අතහැර යාම වැනි කාරණා හේතුවෙන් මෙම තත්ත්වය ඇති වී තිබෙන බවද මෙහිදී අනාවරණය වුණා.
දැනට සෞඛ්ය ක්ෂේත්රයේ උද්ගතව ඇති ගැටලුවලට විසදුම් සෙවීම සදහා සෞඛ්ය ක්ෂේත්රයට හා සම්බන්ධ වෘත්තීය සමිති සමඟ නිරන්තරව සහයෝගයෙන් කටයුතු කිරීම පිළිබදව සෞඛ්ය අමාත්ය රමේෂ් පතිරණට රජයේ වෛද්ය නිලධාරීන්ගේ සංගමයේ ප්රසාදය ද මෙහිදී පළ කළා.
එමෙන්ම වෛද්යවරුන්ගේ ස්ථාන මාරුවීම්, වෛද්යවරුන්ගේ පුහුණුවීම්, සේවා අවශ්යතාවය මත වෛද්යවරු රෝහල් වෙත අනුයුක්ත කිරීම්, වෛද්ය පරිපාලන නිලධාරීන්ගේ මාරුවීම් පිළිබදව ද සාකච්ඡාවට භාජනය වී තිබෙනවා.
