පාසල නිමවී නිවස වෙත යමින් සිටි සිසුවියක පැහැරගෙන ත්රී රෝද රථයක නංවාගෙන යාම සම්බන්ධයෙන් ලැබුණු පැමිණිල්ලක් මත ත්රී රෝද රථ රියදුරකු සහ කාන්තාවක පොලිස් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ කළුතර කිතුලාව ප්රදේශයේ පදිංචි ත්රි රෝද රථ රියදුරකු සහ කාන්තාවක්.
සිසුවිය පැහැරගෙන යාමට සම්බන්ධ ප්රධාන සැකකරු වන 16 හැවිරිදි පාසල් සිසුවෙකු ප්රදේශයෙන් පලාගොස් ඇති බව ද සඳහන්.
පලාගොස් සිටින පාසල් සිසුවා අද (15) දහවල් කළුතර හීනටියන්ගල ප්රදේශයේදී පාසල නිමවී නිවස කරා යමින් සිටි සිසුවියක බලහත්කාරයෙන් ත්රී රෝද රථයට නංවා ගෙන ඇති බවට අනාවරණ වී තිබෙනවා.
එය දුටු ඇයගේ මිතුරියක වන තවත් පාසල් සිසුවියක් බලහත්කාරයෙන්ම ත්රී රෝද රථයට නැග මිතුරිය පැහැරගෙන යාමට විරෝධය පළ කර තිබෙන බවටයි වාර්තා වී ඇත්තේ.
සැඟව සිටින පාසල් සිසුවා ත්රීරෝද රථය තුළදී සිසුවියන් දෙදෙනාටම පහර දී අත්අඩංගුවේ පසුවන කාන්තාවගේ කිතුලාව , මෙනේරිතැන්න ප්රදේශයේ නිවසට රැගෙන ගොස් ඇති බවට පරීක්ෂණවලදී අණාවරණය වී තිබෙනවා.
මෙම සිද්ධිය විදුහල්පතිවරයාට සැලවීමත් සමග පොලිසියට වාර්තා කර ඇති අතර පොලිසිය ප්රදේශය සෝදිසි කරන අතර ත්රී රෝද රථයකින් සිසුවියන් දෙදෙනා කළුතර පොලිස් විද්යාලය ආසන්නයට ගෙනවිත් දමා ඇති බව සඳහන්.
අත්අඩංගුවට ගෙන ඇත්තේ එම ත්රී රෝද රථයේ රියදුරු බව පොලිසිය ප්රකාශ කළා.
දැරියන් දෙදෙනා රෝහල් ගත කිරීමට සහ සැකකරුවන් කළුතර මහේස්ත්රාත් අධිකරණයට ඉදිරිපත් කිරීමට නියමිතයි.
