රට තුළ මතු වී තිබෙන ආර්ථික අර්බුදයට හිටපු ජනාධිපති ගෝඨාභය රාජපක්ෂ, හිටපු මුදල් අමාත්යවරුන් වන මහින්ද රාජපක්ෂ, බැසිල් රාජපක්ෂ ඇතුළු පිරිසක් වගකිව යුතු බවත්, ඔවුන් එක් ව මූලික මිනිස් අයිතිවාසිකම් උල්ලංඝනය කර ඇති බවත් ශ්රේෂ්ඨාධිකරණය තීරණය කර තිබෙනවා.
මෙම තීරණයට එවක පාලන සමයේ සිටි හිටපු මහබැංකු අධිපතිවරුන් වන අජිත් නිවාඩ් කබ්රාල්, මහාචාර්ය ඩබ්ලිව්.ඩී. ලක්ෂ්මන්, මුදල් අමාත්යාංශයේ හිටපු ලේකම් එස්.ආර්.ආටිගල, හිටපු ජනාධිපති ලේකම් පී.බී.ජයසුන්දර, ශ්රී ලංකා මහ බැංකුවේ මූල්ය මණ්ඩලයේ සාමාජිකයින් යන අය ද ඇතුළත් වන බවත්, ඔවුන් ද මූලික මිනිස් අයිතිවාසිකම් උල්ලංඝනය කිරීමේ චෝදනාවට වැරදිකරුවන් වන බවත් අධිකරණය විසින් තීරණය කරනු ලැබූ බවයි අප අධිකරණ වාර්තාකරු පැවසුවේ.
ඒ අනුව ශ්රේෂ්ඨාධිකරණය නියෝග කර ඇත්තේ; වග උත්තරකරුවන් විසින් මෙම පෙත්සම්කාර පාර්ශ්වයන් වෙත රුපියල් 150,000 බැගින් වන්දි ගෙවිය යුතු බවටයි.
අග විනිසුරු ජයන්ත ජයසූරිය ප්රමුඛ පංච පුද්ගල ශ්රේෂ්ඨාධිකරණ විනිසුරු මඩුල්ලේ බහුතර විනිසුරුවරු විසිනුයි අදාළ නියෝගය නිකුත් කරනු ලැබුවේ.
වත්මන් ආර්ථික අර්බුදයට වගකිවයුතු පුද්ගලයින් සම්බන්ධයෙන් විමර්ශනයක් සිදු කරන ලෙස නියෝග කරන මෙන් ඉල්ලා ශ්රී ලංකා වාණිජ මණ්ඩලයේ හිටපු සභාපති චන්ද්රා ජයරත්න ඇතුළු පිරිසක් ගොනු කළ මූලික අයිතිවාසිකම් පෙත්සම් දෙකක් විභාග කරමින්; මෙම තීන්දුව අද දිනයේ දී ප්රකාශයට පත් කරනු ලැබුවා.
wpDiscuz
