ශ්රී ලංකා ක්රිකට් ආයතනයේ උපදේශක තනතුරක් ලබාගත් බවට සමාජ මාධ්ය ඔස්සේ සංසරණය වන අසත්ය තොරතුරක් පිළිබඳ ව බස්නාහිර පළාත ජ්යේෂ්ඨ නියෝජ්ය පොලිස්පති කාර්යාලය විසින් විශේෂ මාධ්ය නිවේදනයක් නිකුත් කර තිබෙනවා.
එහි දැක්වෙන්නේ ශ්රී ලංකා ක්රිකට් පාලක මණ්ඩලය විසින් 2021 අගෝස්තු 07 වැනි දින බස්නාහිර පළාත භාර ජ්යේෂ්ඨ පොලිස්පති දේශබන්දු තෙන්නකෝන් හට ක්රිකට් පාලක මණ්ඩලයේ ආරක්ෂක උපදේශකවරයකු ලෙස තනතුරක් පිරිනමා ඇති බවයි.
එම තනතුර 2021 අගෝස්තු 16 සිට 2023 අගෝස්තු 15 දක්වා ක්රියාත්මක වන පරිදි බඳවා ගත් බවට ද තමන්ට ලිපියක් ලැබූ තිබුණු බව ද නියෝජ්ය පොලිස්පති දේශබන්දු තෙන්නකෝන් පවසනවා.
එවකට මහජන ආරක්ෂක ලේකම්වරයාව සිටි මේජර් ජෙනරාල් (විශ්රාමික ) ජගත් අල්විස් වෙත තමන් එම ලිපිය සම්බන්ධයෙන් දැනුවත් කරන ලද බවත්, එම තනතුර භාර නොගන්නා ලෙසට ජගත් අල්විස් හිටපු මහජන ආරක්ෂක ලේකම්වරයා තමන්ට උපදෙස් ලබා දුන් බව ද නියෝජ්ය පොලිස්පතිවරයා නිකුත් කළ නිවේදනයේ සඳහන්.
එම නිසා තමන් එම තනතුර භාර නොගත් අතර; එම තනතුර භාර නොගන්නා බවට දන්වමින් 2021.11.05 වැනි දින ශ්රී ලංකා ක්රිකට් ආයතනයේ සභාපතිවරයාට ලිපියක් ද යොමු කර ඇති බවයි මාධ්යයට නිකුත් කළ විශේෂ නිවේදනයේ දැක්වෙන්නේ.
සමාජ මාධ්යයෙහි පැතිර යන සියලු තොරතුරු සාවද්ය බවත්, තමන් ක්රිකට් ආයතනයේ කිසිදු තනතුරක් හෝ මූල්ය කොටසක් ලබා නොගත් බවත් බස්නාහිර පළාත භාර ජ්යේෂ්ඨ නියෝජ්ය පොලිස්පති දේශබන්දු තෙන්නකෝන් පවසනවා.
