අත්පුඩි ගසා යතුරු පැදියෙන් යමින් සිටි මාළු ව්යාපාරිකයා ව නවතා මිරිස්කුඩු ප්රහාරයක් එල්ල කර; රුපියල් 97000ක මුදලක් කොල්ල කෑමේ පුවතක් පයාගලින් වාර්තා වනවා.
මෙම සිදුවීම වාර්තා වන්නේ; මැහිමුල්ල ප්රදේශයේ දීයි.
පයාගල සිට දොඩම්ගොඩ ව්යාපාරික ස්ථානයට යතුරුපැදියෙන් මාළු රැගෙන යමින් සිටිය දී පුද්ගලයෙකු ව්යාපාරිකයා දෙස බලමින් අත්පුඩි ගසා ඇති අතර; ඔහු සිය යතුරුපැදිය නතර කර තිබෙනවා.
එම අවස්ථාවේ දී ඔහු අසලට පැමිණි පුද්ගලයෙකු ” සල්ලි කීයක් හරි ඕනේ” යැයි පවසා ඇති අතර ව්යාපාරිකයා එම පුද්ගලයාට රුපියල් 500ක මුදල් නෝට්ටුවක් ලබාදීමට සූදානම් වීමේදී එම පුද්ගලයා ව්යාපාරිකයා අමතා “නෑ මට ලොකු ගානක් ඕනේ “යැයි පවසමින් යතුරුපැදිය තල්ලු කර ව්යාපාරිකයා බිම වැටුණු පසු ඔහුගේ මූණට මිරිස් කුඩු ප්රහාරයක් එල්ල කර ඇති බවයි වාර්තා වන්නේ.
පසුව ඉනේ බැඳ තිබූ මුදල් අඩංගු පසුම්බිය කොල්ලකා සැකකරු පලා ගොස් තිබෙනවා.
කොල්ලකෑම සිදු කළ පුද්ගලයා කවුරුන් දැයි මේ වනවිට හඳුනා ගෙන ඇති බවත් චුන් පාන් අලෙවි කරන්නෙකු බවත් මීට පෙර ද මෙම සැකකරු මුදල් කොල්ලකෑමකට හසු වූවෙකු බවත් පයාගල පොලිසිය සිදු කළ මූලික විමර්ශනවලින් හෙළි ව තිබෙනවා.
සිද්ධිය සම්බන්ධයෙන් වැඩිදුර විමර්ශන ක්රියාත්මකයි.
