ශීඝ්‍රයෙන් වැඩිවෙන විදුලි බිල ඉහළ නැංවීමට එරෙහි ව දිවුලපිටියේ සිට කොළඹට පා ගමනක් සංවිධානය කළ පූජ්‍ය පක්ෂයෙ හිමිනමක් ඇතුළු හයදෙනෙකු පොලිස් අත් අඩංගුවට ගෙන තිබෙනවා.
අප ප්‍රාදේශීය වාර්තාකරු පැවසුවේ; මෙම අත් අඩංගුවට ගැනීම සිදු ව ඇත්තේ අධිකරණයෙන් වාරණ නියෝගයක් ද තිබෙන පසුබිමකදී බවයි.
මෙම විරෝධතාව විදුලිය පාවිච්චිකරන්නන්ගේ සංගමය විසින් සංවිධානය කරනු ලැබුවා.
ඒ දිවුලපිටිය මංසන්ධියේ සිට කොළඹ තෙක්.
මෙම පාගමන ආරම්භයේදී ම පොලිසිය දැනුම්දී තිබුණේ පා ගමන සිදු නොකරන ලෙසටයි.
ඒ වනවිටත් විදුලිය පාවිච්චිකරන්නන්ගේ සංගමයේ ලේකම් සංජීව ධම්මික, පූජ්‍ය බලංගොඩ කස්සප හිමි ඇතුළු පිරිසකට එරෙහිව පෑලියගොඩ මැනිං වෙළෙඳපොළ මාර්ගය ඇතුළු මාර්ග කිහිපයක උද්ඝෝෂණ හා පෙළපාලි පැවැත්වීම වළක්වාලමින් අධිකරණ නියෝගයක් නිකුත් කර තිබුණා.
නමුත් එය ද නොතකමින් කලහකාරී ලෙස පා ගමන සිදු කිරීම හේතුවෙනුයි උද්ඝෝෂකයින් ව දිවුලපිටිය පොලිස් අත් අඩංගුවට ගැනුණේ.
මේ වනවිටත් සැකකරුවන් දිවුලපිටිය පොලිස් ස්ථානයේ රඳවා තිබෙන බවත් වාර්තා වනවා.
wpDiscuz
