ලබන වසරේ සිට ඉන්ධන සඳහා දෛනික මිල සංශෝධනයක් ශ්රී ලංකාවට හඳුන්වා දෙන බව විදුලිබල හා බලශක්ති අමාත්ය කාංචන විජේසේකර පවසනවා.
ඉන්ධන පිරවුම්හල් හිමියන්ගේ වාර්ෂික මහ සභා රැස්වීමට එක්වෙමිනුයි ඔහු මේබව කියාසිටියේ.
මෙම නව ක්රමය යටතේ, පවතින මිල සංශෝධන ව්යුහයේ සැලකිය යුතු වෙනසක් සනිටුහන් කරමින් දෛනික පදනමින් ඉන්ධන මිල තීරණය කෙරෙනු ඇති.
මෙම ක්රමය මගින් වඩාත් විනිවිදභාවයක් ජනතාවට ඉන්ධන ලබා දීම සහ ගෝලීය වෙළෙඳපොළ මිල උච්චාවචනයන් සමඟ ඉන්ධන පිරිවැය සමපාත කිරීම අරමුණු කර තිබෙනවා.
