ඉන්දියාව සහ පාකිස්තානය අතර පල්ලෙකැලේ ජාත්‍යන්තර ක්‍රීඩාංගනයේ පැවති ආසියානු කුසලාන තරගාවලියේ තරගය වර්ෂාවට සේදීයාමත් සමඟ ආසියානු ක්‍රිකට් කවුන්සිලය දැඩි විවේචනයට ලක් වුණා.
ඒ, මෙවර තරගාවලියේ දී පාකිස්තානය සමඟ දෙවන සත්කාරකත්වය ශ්‍රී ලංකාවට ලබාදීම සම්බන්ධයෙන්.
එහිදී පාකිස්තාන ක්‍රිකට් මණ්ඩලයේ (PCB) හිටපු සභාපති නජාම් සේති මේ සම්බන්ධයන් පළමුව ප්‍රසිද්ධියේ ආසියානු ක්‍රිකට් කවුන්සිලය විවේචනයට ලක් කළා.
නජාම් සේති කියා සිටියේ ශ්‍රී ලංකාවේ දී තරගවලට වර්ෂාවෙන් බාධා ඇතිවීම වැළැක්වීම සඳහා ශ්‍රී ලංකාවේ පවත්වන තරග සියල්ල එක්සත් අරාබි එමීර් රාජ්‍යයේ පවත්වන ලෙසට ආසියානු ක්‍රිකට් කවුන්සිලයට තමන් දැඩි ලෙස උපදෙස් දුන් බවයි.
කෙසේ වෙතත් ආසියානු ක්‍රිකට් කවුන්සිල බලධාරීන් ඩුබායි හි කාලගුණය ඉතා උණුසුම් බව පවසමින් තම ඉල්ලීම ප්‍රතික්ෂේප කළ බව ඔහු පවසනවා.
මේ අතර මෙවර ආසියානු කුසලාන තරගාවලියේ දුර්වල කාලසටහන් සම්බන්ධයෙන් ඉන්දීය හිටපු ක්‍රීඩක විරේන්ද්‍ර ෂෙවාග් ද ආසියානු ක්‍රිකට් කවුන්සිලය ඉතා කපටි ලෙස විවේචනය කර තිබුණා.
එහිදී ට්විටර් හෙවත් එක්ස් සමාජ මාධ්‍යයේ සටහනක් තබමින් ෂෙවාග් පවසා තිබුණේ “වැස්ස කාලෙට අපි තේ, පකෝඩා තියාගන්නවා. ආසියානු කුසලානය ද තබා ඇත.” යනුවෙන්.
wpDiscuz
