මුල්ලේරියාව, හල්බරාව ප්රදේශයේ වැඩබිමක් අසල කැපුම් තුවාල සහිතව මියගොස් සිටි දරුවාගේ මරණයට අදාලව ඔහුගේ සීයා වන 63 හැවිරිදි පුද්ගලයෙකු අත්අඩංගුවට ගෙන තිබෙනවා.
ඔහු අද අධිකරණයට ඉදිරිපත් කරන බවයි පොලිසිය සඳහන් කළේ.
දරුවාගේ මරණය සම්බන්ධයෙන් පෙරේදා අත්අඩංගුවට ගත් 51 හැවිරිදි පුද්ගලයා ඊයේ ලබන 15 වනදා දක්වා රක්ෂිත බන්ධනාගාර ගත කෙරුණා.
පශ්චාත් මරණ පරීක්ෂණයේදී හෙළිවී ඇත්තේ උදර ප්රදේශයේ සිදු වූ කැපුම් තුවාලයකින් අධික ලෙස රුධිර වහනය වීම හේතුවෙන් මරණය සිදුව ඇති බවටයි.
දරුවා මිය ගියේ තණකොළ කපන යන්ත්රයේ තලය අත්වැරදීමකින් දරුවාගේ උදරයේ වැදීමෙන් බව 51 හැවිරිදි පුද්ගලයාගෙන් කළ ප්රශ්න කිරීම්වලදී ඔහු පාපොච්චාරණය කර තිබුණා.
පස් හැවිරිදි දරුවාට බරපතළ තුවාල සිදුවීමට හේතුව ලෙස පෙන්වීමට කැඩුණු වීදුරු බෝතලයක කැබලි දරුවාගේ සිරුර අසල තැබූ බව ඔහු පොලිසිය හමුවේ ප්රකාශ කර තිබෙනවා.
මරණය සම්බන්ධයෙන් සිදු කෙරෙන විමර්ශනවලට අදාළව ලෙස දරුවාගේ සීයා වන 63 හැවිරිදි පුද්ගලයාගෙන් ද පොලිසිය ප්රශ්න කිරීමට නියමිතයි.
මියගිය දරුවාගේ අවසන් කටයුතු තලාහේන පොදු සුසාන භූමියේදී අද සිදු කෙරෙනවා.
