නීතිපති දෙපාර්තමේන්තුවේ අතිරේක සොලිසිටර් ජනරාල්වරයකුට හා රජයේ ජ්යෙෂ්ඨ නීතිඥවරියකට අපහාසාත්මක වන ආකාරයේ වීඩියෝ යූටියුබ් නාලිකාව ඔස්සේ උඩුගත කිරීම වළක්වමින් සමාජ මාධ්ය ක්රියාකාරිකයෙකු වන දර්ශන හදුන්ගොඩ මහතාට එරෙහිව නිකුත් කර තිබෙන වාරණ නියෝගය ලබන 24 වනදා දක්වා දීර්ඝ කිරීමට කොළඹ දිසා අධිකරණය අද නියෝග කළා.
එම පැමිණිල්ල අද කොළඹ දිසා විනිසුරු පූර්ණිමා පරණගම මහත්මිය ඉදිරියේ කැඳවනු ලැබුවා.
එහිදී වගඋත්තරකාර දර්ශන හඳුන්වන මහතා වෙනුවෙන් පෙනී සිටි ජනාධිපති නීතිඥ මෛත්රි ගුණරත්න මහතා අධිකරණය හමුවේ කරුණු දක්වමින් තම සේවාදායකයා විසින් මහජනතාවට තොරතුරු දැනගැනීමේ අරමුණින් මෙම වාර්තාව ඉදිරිපත් කල බව සඳහන් කලා.
මේ සම්බන්ධයෙන් කරුණු දැක්වීම සඳහා තමන්ට දිනයක් ලබා දෙන ලෙසත් ජනාධිපති නීතිඥවරයා ඉල්ලීම් කළා.
ඒ අනුව අදාළ පැමිණිල්ල ලබන 24 වනදා කැඳවීමට නියම කළ අධිකරණය එදින තෙක් දැනට නිකුත් කර තිබෙන වාරණ නියෝගය දීර්ඝ කරන බවත් නියෝග කළා.
නීතිපති දෙපාර්තමේන්තුවේ අතිරේක සොලිසිටර් ජෙනරාල් වරයෙකු හා එම දෙපාර්තමේන්තුවේ ජේෂ්ඨ රජයේ නීතිඥවරියක් විසින් ඉදිරිපත් කළ පැමිණිලි දෙකක් සලකා බැලීමෙන් අනතුරුව කොළඹ දිසා විනිසුරු පූර්ණිමා පරණගම මහත්මිය විසින් ඉකුත් දා මෙම වාරණ නියෝගය නිකුත් කර තිබුණා.
පැමිණිලිකරුවන් අධිකරණය හමුවේ කියා සිටින්නේ විත්තිකරු විසින් පසුගිය 20 වැනි දින එස්.එල්. දේශය වූ ටියුබ් නාලිකාව ඔස්සේ අදාළ අසත්ය තොරතුරු සහිත වීඩියෝවක් උඩුගත කර ඇති බවයි .
ඒ තුළින් තමන්ට දැඩි අපහාසයක් සහ අගතියක් සිදු වී ඇති බවත් ඔවුන් පවසනවා.
එසේ අසත්ය කරුණු ප්රචාරය කිරීම තුළින් පැමිණිලිකරුවන්ට සිදු වූ අපහාසය වෙනුවෙන් රුපියල් බිලියනයක හා රුපියල් මිලියන 500 බැගින් වන්දි අය කර දෙන ලෙස ඉල්ලා මෙම පැමිණිලි දෙක මගින් ඉදිරිපත් කර තිබෙනවා
