බලපත්රයක් නොමැතිව ආගරපතන ප්රදේශයේ සිට ගම්පොල වෙලම්බොඩ දක්වා ප්රවාහනය කරමින් තිබු කසල තේ කිලෝ 800 ක් සැකකරුවන් තිදෙනෙකු සහ වැන් රථයක් සමගින් වටවල පොලිසිය විසින් ඉකුත් මස (09) දින සැකපිට අත්අඩංගුවට ගෙන හැටන් මහෙස්ත්රාත් අධිකරණය වෙත ඉදිරිපත් කිරිමෙන් අනතුරුව එම නඩුව අද (02) දින අධිකරණය හමුවේ කැඳ වු අවස්තාවේ සැකකරුවන් දෙදෙනා වරද පිළිගෙන තිබෙනවා.
වරද පිළිගෙන ඇති නිසා එක් චුදිතයෙකුට රු පහලොස් දහස බැගින් සැකකරුවන් තිදෙනාට රු හතලිස් පන්දහසක දඩයක් ගෙවන ලෙස නියම කර කසල තේ තොගය ගිනි තබා විනාශ කරන ලෙසට හැටන් මහෙස්ත්රාත් ෆරුක් ඩින් නියෝග කර තිබෙනවා.
වරද පිළිගත් චුදිතයන් ගම්පොළ වෙලම්බොඩ ප්රදේශයේ පදිංචිකරුවන් වන අතර, වැන් රථය ඇපකරයක් මත මුදා හැර යලිත් මෙම නඩුව වෙනත් දිනයක කැදවිමට මහෙස්ත්රාත්වරයා නියෝග කර තිබෙනවා.
