අන්තර් විශ්ව විද්යාල ශිෂ්ය බලමණ්ඩලයේ කැඳවුම්කරු වසන්ත මුදලිගේ අද මානව හිමිකම් කොමිසමට පැමිණ පැමිණිල්ලක් ඉදිරිපත් කළා.
ඒ තමා අත්අඩංගුවට ගෙන චෝදනාවක් නොමැතිව රඳවාගෙන සිට තම මානම හිමිකම් කඩ වූයේ යැයි පවසමින්.
පැමිණිල්ල ඉදිරිපත් කිරීමෙන් අනතුරුව මාධ්ය වෙත අදහස් දැක්වූ වසන්ත මුදලිගේ කියා සිටියේ අගෝස්තු මාසයේ සිට කිසිදු චෝදනාවක් නොමැතිව තමා සිරභාරයට ගෙන රඳවා තබාගෙන සිටි බවයි.
තමා මෙහි වගඋත්තරකරුවන් ලෙස ආරක්ෂක ඇමති ටිරාන් අලස්, ආරක්ෂක ලේකම් වරයා, පොලිස්පති, බස්නාහිර පළාත් නියෝජ්ය පොලිස්පති ඇතුළු පිරිසක් නම් කර තිබෙනවා
රටේම ඡනතාවගේ මානව හිමිකම් කඩ කළ රජය තමා ගේ මානව හිමිකම් ද අමු අමුවේ උල්ලංඝනය කළ බවයි අන්තර් විශ්ව විද්යාල ශිෂ්ය බලමණ්ඩලයේ කැඳවුම්කරු මෙහිදී කියාසිටියේ.
