නව වසරේ පළමු සතිය තුළ මෙරටින් ඩෙංගු රෝගීන් 2,142 දෙනෙකු හඳුනාගෙන ඇති බව ජාතික ඩෙංගු මර්දන ඒ්කකය පවසනවා.
පසුගිය 02 වනදා සිට 08 වනදා දක්වා කාලය තුළයි මෙම ඩෙංගු රෝගීන් වාර්තා වී ඇත්තේ.
වැඩිම රෝගීන් සංඛ්යාවක් වාර්තා වී ඇත්තේ ගම්පහ දිස්ත්රික්කයෙන්. එම සංඛ්යාව 440ක් වන අතර අදාළ කාලය තුළ කොළඹ දිස්ත්රික්කයෙන් ඩෙංගු රෝගීන් 433ක් වාර්තා වී තිබෙනවා.
පුත්තලම දිස්ත්රික්කයෙන් රෝගීන් 273ක්, කල්මුණේ දිස්ත්රික්කයෙන් 147ක්, හා යාපනය දිස්ත්රික්කයෙන් 128 දෙනෙකු හඳුනාගෙන ඇතැයි සඳහන්.
මීට අමතරව කළුතර, මහනුවර යන දිස්ත්රික්කවලින් ද සියයට අධික ඩෙංගු රෝගීන් සංඛ්යාවක් ගත වූ දින 07ක කාලය තුළ හඳුනාගෙන ඇති බව ජාතික ඩෙංගු මර්දන ඒකකය ප්රකාශ කළා.
ජාතික ඩෙංගු මර්දන ඒ්කකයේ විශේෂඥ වෛද්ය සුදත් සමරවීර මහතා සඳහන් කරන්නේ මෙම මාසය අවසන් වන විට ඩෙංගු රෝගීන් වාර්තා වීම ඉහළ අගයක් ගනු ඇති බවයි.
එබැවින් තම නිවස අවට මෙන්ම නිවස තුළ ද මදුරුවන් බෝවිය හැකි ස්ථාන සුලභ වන බැවින් ඒ් ගැන නිරතුරුව විමසිල්ලෙන් කටයුතු කරන ලෙස ඒ් මහතා ජනතාවගෙන් ඉල්ලීමක් කෙරෙනවා.
