දෙදින නිල සංචාරය නිම කළ පාකිස්තානයේ අග්රාමාත්ය ඉම්රාන් ඛාන් දිවයිනෙන් පිටව ගොස් තිබෙනවා.
ගොසිප් ලංකා නිව්ස් වාර්තාකරු සඳහන් කලේ පස්වරු 04 යි 42 ට පමණ පකිස්ථාන අග්රාමාත්යවරයා ඇතුලු ධුත පිරිස රටින් නික්ම ගිය බවයි.ඊයේ පස්වරුවේ ශ්රී ලංකාවට පැමිණි ඉම්රාන් ඛාන් මහතා පළමුවෙන්ම හමුවූයේ අග්රාමාත්ය මහින්ද රාජපක්ෂ මහතායි.
එහිදී ද්විපාර්ශවික ගිවිසුම් 05 කටද අත්සන් තැබුණා.ආරක්ෂාව සම්බන්ධ කරුණු සඳහා ඩොලර් මිලියන 50 ක ණයක් පිරිනැමීමටයි ඉම්රාන් ඛාන් මහතා එහිදී එකග වී ඇත්තේ. අද පෙරවරුවේ ජනාධිපති ගෝඨාභය රාජපක්ෂ මහතා සමග නිල හමුවකටද පකිස්ථාන අග්රාමාත්යවරයා එක්වූණා.
ජනාධිපති මාධ්ය අංශය නිවේදනය කලේ දෙරටේ කෘෂිකර්මාන්තය ප්රවර්ධනය උදෙසා තාක්ෂණික දැනුම හුවමාරුව පිළිබඳව මෙහිදි වැඩි අවධානයක් යොමුවු බවයි. දෙරට අතර වෙළෙඳාම ප්රවර්ධනය සහ ආයෝජන අවස්ථා / සංචාරක ක්ෂේත්රය මෙන්ම තාක්ෂණික දැනුම හුවමාරුව ඇතුළු ක්ෂේත්ර කිහිපයක් කෙරෙහි නායකයන් දෙදෙනා දැඩි අවධානයක් යොමුකළ බවයි ජනාධිපති මාධ්ය අංශය කියාසිටියේ. පකිස්ථාන අග්රාමාත්යවරයා අද පස්වරුවේ විපක්ෂ නායක සජිත් ප්රේමදාස මහතා මෙන්ම මුස්ලිම් මන්ත්රීවරුන් පිරිසක්ද මුණ ගැසී තිබුණා.
