විදේශ වෙළෙඳපොළට අපනයනය කරනු ලබන පළමු ඇඹුල් කෙසෙල් තොගය හෙට (26) ඩුබායි වෙත අපනයනය කිරීමට සැලසුම් කර තිබෙන බව කෘෂිකර්ම අමාත්යාංශය පවසනවා.
කෘෂිකර්ම අමාත්යාංශයේ විදේශ අරමුදල් මත ක්රියාත්මක වන කෘෂි නවීකරණ ව්යාපෘතිය යටතේ රාජාංගනය ප්රදේශයේ අක්කර 500ක වගා කර තිබෙන ඇඹුල් කෙසෙල් මෙසේ පළමුවරට විදේශ වෙළෙඳ පොළට අපනයනය කෙරෙන බව කෘෂිකර්ම අමාත්ය මහින්ද අමරවීර මහතා කොළඹ වොක්ෂොල් වීදියේ Development Interplan Ceylon PVT LTD ආයතනයේ පැවැති වැඩසටහනක් අමතමින් පවසා සිටියා.
ඒ අනුව ඇඹුල් කෙසෙල් කිලෝග්රෑම් 12,500ක් අපනයනය කිරීමට කටයුතු යොදා ඇත.
සෑම සතියකම සෙනසුරාදා ශ්රී ලංකා ඇඹුල් කෙසෙල් ඩුබායි වෙළෙඳපොළට අපනයනය කිරීමට කටයුතු යොදා ඇත. එමඟින් සතිපතා ඩොලර් 10,000ක ආදායමක් රටට ලබා දීමට කටයුතු කර ඇතැයි කෘෂි අංශ නවීකරණ ව්යාපෘති අධ්යක්ෂ ආචාර්ය රොහාන් විජේකෝන් මහතා පැවසීය.
