370 ව්‍යවස්ථාව අවලංගු කිරීමේ සිව්වන සංවත්සරය ජම්මු සහ කාශ්මීරය අද සමරනු ලැබුවා.
ජම්මු සහ කාශ්මීර පරිපාලනය මහත් ආඩම්බරයෙන් පෙන්වා දෙන්නේ ගෙවුණු සිව්වසර තුළ මෙම ඒකාබද්ධ බලප්‍රදේශයේ මාර්ග ඉදිකිරීම් ක්ෂේත්‍රය අසාමාන්‍ය සාර්ථකත්වයක් අත්කර ගෙන ඇති බවයි.
පසුගිය වසර හතර තුළ ජම්මු සහ කාශ්මීරයේ මාර්ග, පාලම් ඉදිකිරීමේ කටයුතුවලද විප්ලවීය වෙනසක් සිදුව තිබෙනවා.
වසර ගණනාවක් තිස්සේ ගම්මානවල ඉදිවෙමින් පවතින මාර්ග, පස් කැපීමෙන් පසු අතහැර දමා තිබූ හෝ මඩ සහ පාරුවක් අතුරා ගමන් කිරීමට තරම් තත්ත්ත්වයක තිබුණ ද මෙම වසර හතර තුළ එවැනි මාර්ග සම්මත කළු තාර හෝ කාපට් අතුරා සකස් කිරීමට කටයුතු කර තිබුණා.
අඩු වැඩි වශයෙන් ගත කල ජම්මු සහ කාශ්මීරයේ සියලුම දිස්ත්‍රික්කවල බොහෝ ගම්මානවල එවැනි මාර්ග ගණනාවක් දැකිය හැකියි.
ඉන්දීය අග්‍රාමාත්‍ය නරේන්ද්‍ර මෝදීගේ සංවර්ධන පැකේජය යටතේ ජම්මු හා කාශ්මීරයේ මාර්ග, විදුලිය, සෞඛ්‍ය, අධ්‍යාපනය, සංචාරක, කෘෂිකර්මය, නිපුණතා සංවර්ධනය වැනි විවිධ අංශවල රුපියල් කෝටි 58,477ක් වටිනා ව්‍යාපෘති 53ක් ක්‍රියාත්මක වෙමින් තිබෙනවා.
මාර්ග ඉදිකිරීමේ වේගය දිනකට කිලෝමීටර් 6.54 සිට කිලෝමීටර් 20.6 දක්වා වැඩි වී ඇති බවයි ප්‍රාදේශීය වාර්තා පෙන්වා දෙන්නේ.
ජම්මු සහ කාශ්මීරයේ මුළු මාර්ග දිග මේ වන විට කිලෝමීටර 46,141 දක්වා ළඟා වී තිබෙනවා.
මාර්ග කාපට් වීමේ වේගය සහ මාර්ග දිග වැඩි වීමේ වේගය සැලකීමේදී පසුගිය වසර හතර තුළ ජම්මු සහ කාශ්මීරය කෙතරම් වේගයෙන් ප්‍රගතියක් ලබා තිබේද යන්න පෙන්නුම් කරන බව විචාරක මතයයි.
දත්ත වලට අනුව, ජම්මු සහ කාශ්මීරයේ මාර්ගවල දිග කිලෝමීටර් 46,141 කට ආසන්න ප්‍රමාණයකින් වැඩි වී ඇති අතර කාපට් ඇතිරූ මාර්ගවල ප්‍රතිශතය 2019 දී සියයට 66 ට සාපේක්ෂව මේ වන විට සියයට 78 දක්වා ළඟා වී තිබෙනවා.
වළවල්වලින් තොර මාර්ග වැඩසටහන යටතේ 2021-22 වසර සඳහා කිලෝමීටර් 5,900 ක ඉලක්කයක් ලබා දී තිබූ අතර, මේ වන විට ඉන් කිලෝමීටර් 4,900 ක් අවසන් කර ඇති බවයි එරට වාර්තා පෙන්වා දෙන්නේ.
විශේෂයෙන්ම ග්‍රාමීය හා දුෂ්කර ප්‍රදේශවල මාර්ග පද්ධතිය පුළුල් වෙමින් පවතින අතර මාර්ග සහ පාලම් ඉදිකිරීම, වැඩිදියුණු කිරීම සහ වැඩිදියුණු කිරීම සඳහා ක්‍රියාත්මක කරන ලද විවිධ යෝජනා ක්‍රම යටතේ බොහෝ ඉලක්ක සපුරා ගැනීමටද හැකි වී තිබෙනවා.
මීට අමතරව මධ්‍යම රජයේ මහජන දුක්ගැනවිලි නිරාකරණය සහ අධීක්ෂණ පද්ධතිය හරහා එම ප්‍රදේශයේ පැමිණිලි 32කට විසඳුම් ලබාදී ඇති අතර පුරවැසියන්ට තම දුක්ගැනවිලි පැය 24 පුරා ලියාපදිංචි කිරීම සඳහා මාර්ගගත වේදිකාවක් ද සකස් කර තිබෙනවා.
2019 අගෝස්තු වන විට, ජම්මු සහ කාශ්මීරයේ යහපාලනය සැපයීමේ සංකල්පය නොතිබුණු අතර ජම්මු කාශ්මීරය ඒකාබද්ධ බලප්‍රදේශයක් බවට පත් කිරීමෙන් පසු තත්ත්වය වෙනස් වූ බවයි විචාරකයින් පවසන්නේ.
