වැල්ලවාය පොලිස් බල ප්රදේශයට අයත් වීරසේකරගම ප්රදේශයේ දී තරුණියක් එල්ල කළ පිහි ප්රහාරයකින් තරුණයෙක් ජීවිතක්ෂයට පත්ව තිබෙනවා.
වයස අවුරුදු 19ක තරුණියක් විසින් එල්ල කළ මෙම පිහි ප්රහාරයෙන් මියගොස් ඇත්තේ වයස අවුරුදු 31ක තරුණයෙක් බවයි වාර්තා වන්නේ.
මොවුන් දෙදෙනා නීත්යානුකූලව විවාහ වී නොමැති නමුත් අඹුසැමියන් ලෙස වීරසේකරගම ප්රදේශයේ නිවසක් කුලී පදනම මත ලබාගෙන එහි ජීවත්ව ඇති බවයි අනාවරණය වී ඇත්තේ.
මොවුන් දෙදෙනා අතර ඊයේ (26) රාත්රියේ සිදු වූ බහින් බස් වීමක් දුරදිග ගොස් මෙම පිහි ප්රහාරය එල්ල කර ඇති බවයි පොලිසිය සඳහන් කළේ.
මෙලෙස මියගොස් ඇති පුද්ගලයා නාවලපිටිය ප්රදේශයේ පදිංචි විවාහක අයෙක් බවයි වාර්තා වන්නේ.
ඝාතනයට සම්බන්ධ සකකාර තරුණිය හල්දුම්මුල්ල, සොරගුනේ ප්රදේශයේ පදිංචිකරිනියක් වන අතර,ඇය වැල්ලවාය පොලිසිය මඟින් අත්අඩංගුවට ගෙන තිබෙනවා.
අත්අඩංගුවට ගත් තරුණිය වැල්ලවාය මහේස්ත්රාත් අධිකරණයට ඉදිරිපත් කිරීමට නියමිත අතර, සිද්ධිය සම්බන්ධයෙන් වැල්ලවාය පොලිසිය වැඩිදුර විමර්ශන පවත්වනවා.
