වයස අවුරුදු 18ට වැඩි සියලුදෙනා ආදායම් දෙපාර්තමේන්තුවේ බදු ලිපි ගොනුවක් විවෘත කළ යුතු බවට වන නව ගැසට් නිවේදනය සම්බන්ධයෙන් මුදල් රාජ්ය අමාත්ය රංජිත් සියඹලාපිටිය පැහැදිළි කිරීමක් සිදුකර තිබෙනවා.
රංජිත් සියඹලාපිටිය මහතා පෙන්වා දෙන්නේ වයස අවුරුදු 18 ට වැඩි පුද්ගලයින් දේශීය ආදායම් දෙපාර්තමේන්තුවේ ලියාපදිංචි විය යුතුය යන්නෙන් ඔවුන්ගෙන් බදු අය කිරීමක් අදහස් නොවන බවයි.
ආදායම් බදු ගිණුම යටතේ සුබසාධන ප්රතිලාභ බෙදා හැරීම සඳහා එම පුද්ගලයන් ලියාපදිංචි කිරීම අවශ්ය බව මුදල් රාජ්ය අමාත්යවරයා පැහැදිලි කරනු ලැබුවා.
වයස අවුරුදු 18ට වැඩි සියලු දෙනාටම දේශීය ආදායම් දෙපාර්තමේන්තුවේ ගිණුමක් විවෘත කිරීම 2023 අයවැයෙන් යෝජනා කරනු ලැබූ අතර එමගින් සියලු දෙනාගෙන් රජය බදු අය කරන බවක් අදහස් නොවන බවයි ඔහු පෙන්වා දෙන්නේ.
රාජ්ය අමාත්ය සියඹලාපිටිය මහතා වැඩිදුරටත් පැවසුවේ, රජය විසින් පුද්ගලයන් සඳහා ලබාදෙන රජයේ ප්රතිලාභ සම්බන්ධයෙන් තීරණ ගනු ලබන්නේ බදු ගිණුමේ ඇති විස්තර අනුව බවයි.
මෙම ගැසට් පත්රය හරහා 2023 ජූනි 01 වැනිදා සිට බදු ගොනුවක් විවෘත කරන ලෙස මේ රටේ බදු ගෙවීමට හැකි යැයි සැලකෙන කණ්ඩායම්වලට දැනුම්දී ඇති බවද ඔහු වැඩිදුරටත් ප්රකාශ කළා.
